Julani

Lutani pa menyu yachiŵi

Lutani pa vo ve mukati

Akaboni aku Yehova

Chitonga (Malawi)

Kabuku ka Unganu wa Umoyu Widu Wachikhristu Ndipuso Uteŵeti  |  November 2017

 TICHITENGI VINTHU NGE AKHRISTU

Mo Tingasazgiyaku Lusu Lidu mu Uteŵeti—Vo Tingachita pa Ulendu Wakuweliyaku

Mo Tingasazgiyaku Lusu Lidu mu Uteŵeti—Vo Tingachita pa Ulendu Wakuweliyaku

NTCHIFUKWA WULI NKHWAKUKHUMBIKA: Ŵanthu anandi wo avwisiya uthenga wa Ufumu alongo kuti apenja kuziŵa uneneska wakukwasana ndi Chiuta. (Yesa. 55:6) Mwaviyo, kuti tilutirizgi kuŵasambiza, tikhumbika kuweliyangaku nyengu zosi. Chifukwa chakuti ŵanthu akumana ndi masuzgu ngakupambanapambana, angavwisiya so uthenga wamampha munthowa zakupambana. Chinanga kuti veviyo, tingaŵasambiza umampha ukongwa asani tinozgeke kweniso asani tija ndi chilatu chakuyambisa sambiru la Bayibolu pa ulendu wewosi wakuweliyaku.

MO TINGACHITIYA:

  • Tiyesesengi kuweliyaku mwaliŵi asani pajumpha waka mazuŵa ngamanavi.—Mate. 13:19

  • Tiŵayanjengi, tiŵatumbikengi kweniso tichezengi nawu

  • Tiŵatawuzgengi mwakukondwa kweniso tiŵazumbuwengi zina. Tingaŵakambiya chifukwa cho taziya so nge, kuzimuka fumbu, kuziŵapasa magazini ngasonu, kuziŵalongo webusayiti yidu, kuziŵawonesa vidiyo, pamwenga kuŵalongo mo tisambiriya Bayibolu ndi ŵanthu. Tingalekeza dankha nkhani yo tikambisana nawu kuti timuki vo afumba.—Afi. 2:4

  • Tikhumbika kudiliya mbewu ya uneneska yo yapandika mumtima wawu mwakuŵaŵerenge Malemba kweniso kuŵasiliya magazini. (1 Akori. 3:6) Tiyesesengi kuja mabwezi ngawu

  • Kambani mazu ngo ngangakuwovyani kuti muziweliyeku so