Julani

Lutani pa menyu yachiŵi

Lutani pa vo ve mukati

Akaboni aku Yehova

Chitonga (Malawi)

Kabuku ka Unganu wa Umoyu Widu Wachikhristu Ndipuso Uteŵeti  |  November 2016

 TICHITENGI VINTHU NGE AKHRISTU

Kumbi Tingagwirisiya Wuli Ntchitu Buku la Kumbi Tingasambiranji m’Bayibolu?

Kumbi Tingagwirisiya Wuli Ntchitu Buku la Kumbi Tingasambiranji m’Bayibolu?

Buku la Kumbi Tingasambiranji m’Bayibolu? ndipuso la Bayibolo Lisambizanji ngayanana waka. Mutu wewosi m’mabuku yanga we ndi mabokosi ngo nge ndi fundu zakuyanana. Kweni buku la Kumbi Tingasambiranji m’Bayibolu? le ndi mazu ndipuso fundu zambula kusuzga. Likupangika kuti liwovyi ŵanthu wo angasuzgika kuvwisa buku la Bayibolo Lisambizanji. Fundu zakukumaliya za m’buku ili, zikonkhosa mwakuvwika umampha ukongwa mazu nganyaki ngo ngasanilika mu nkhani. Pakwambiliya pa mutu wewosi palivi mafumbu kweniso pakumaliya palivi bokosi lakuweliyamu. M’malu mwaki, kukumaliya kwa mutu wewosi kwe fundu zikuluzikulu zo zikonkhosa uneneska wa m’Bayibolu, wo wakonkhoseka kali mu nkhani. Nge mo tichitiya ndi buku la Bayibolo Lisambizanji, buku la Kumbi Tingasambiranji m’Bayibolu? nalu tingagaŵiya nyengu yeyosi chinanga lingaleka kuŵikika pamundandanda wa mabuku ngakugaŵiya mwezi wo. Kumbi tingagwirisiya wuli ntchitu vinthu vo visanilika m’buku la Kumbi Tingasambiranji m’Bayibolu? asani tisambira Bayibolu ndi munthu?

FUNDU ZIKULUZIKULU: Ŵanthu anandi awona kuti vija umampha kuŵerenga dankha ndimi mu buku la Bayibolo Lisambizanji, pavuli paki ndipu afumba fumbu. Kweni asani yo musambira nayu watichiziŵa umampha cha chineneru cho musambira nayu, pamwenga watondeka kuŵerenga umampha, mungagwirisiya ntchitu buku la Kumbi Tingasambiranji m’Bayibolu? Mungagwirisiya ntchitu fundu zikuluzikulu pakusambira nayu ndi kumuchiska kuti wakaŵerengi pakuyija mutu wosi. Kweniso mungasambira ndi munthu fundu yauneneska pafupifupi maminiti 15. Mupharazgi watenere kunozgeke mwakukwana chifukwa chigaŵa cha fundu zikuluzikulu chikonkhosa vosi cha vo ve mu nkhani ndipu watenere so kuziŵa umampha vo wakusambira yo wakhumbika kuziŵa. Asani mupharazgi wagwirisiya ntchitu nkhani chayiyu pakusambira ndi munthu, ndikuti fundu zikuluzikulu wangazigwirisiya ntchitu pakuweliyamu vo asambiranga.

FUNDU ZAKUKUMALIYA: Mazu kweniso fundu zinyaki zikuluzikulu zikuŵikika mwakulondo mo zikulembeke mu nkhani. Mupharazgi wangasankha kukambisana nayu fundu zakukumaliya za m’buku la Kumbi Tingasambiranji m’Bayibolu? pa nyengu ya sambiru.