Julani

Lutani pa menyu yachiŵi

Lutani pa vo ve mukati

Akaboni aku Yehova

Chitonga (Malawi)

Kabuku ka Unganu wa Umoyu Widu Wachikhristu Ndipuso Uteŵeti  |  March 2017

 TICHITENGI VINTHU NGE AKHRISTU

Mo Tingagwirisiya Ntchitu Kabuku ka Vwiyani Chiuta

Mo Tingagwirisiya Ntchitu Kabuku ka Vwiyani Chiuta

Kabuku ka Vwiyani Chiuta kakupangika kuti kawovyi wo asuzgika kuŵerenga kuti asambirengi uneneska wa m’Bayibolu kwambula kusuzgika. Sambiru lelosi le ndi mapeji ngaŵi ndipu nge ndi vithuzi vakutowa kweniso timuvi to tilongo chithuzi chakulondopu asani mwatuwa pa chithuzi chinyaki.

Kabuku ka Vwiyani Chiuta kuti Muje ndi Umoyu Wamuyaya ke ndi vithuzi vakuyanana ndi va mukabuku ka Vwiyani Chiuta, kweni ke ndi mazu nganandi ndipu akusambira wo aŵerenga umampha angapasika kabuku yaka. Kanandi apharazgi atanja kugwirisiya ntchitu kabuku yaka pakuchitisa sambiru la Bayibolu penipo wakusambira wagwirisiya ntchitu kabuku ka Vwiyani Chiuta. Mapeji nganandi nge ndi timabokosi to tikonkhosa fundu zakusaziyapu, zo mungakambisana kuyana ndi mo wakusambira waliri.

Timabuku iti mungagaŵiya nyengu yeyosi chinanga kuti mwezi wo mugaŵiya timabuku iti cha. Pa nyengu yo muchitisa sambiru la Bayibolu gwirisiyani ntchitu vithuzi kuti mukonkhosi vo Bayibolu likamba. Mufumbengi mafumbu kuti wakusambira wakambengepu maŵanaŵanu ngaki kweniso kuti muwoni asani watuvwa vo wasambira. Ŵerengani ndi kukambisana malemba ngo nge mumphata mwa peji lelosi. Asani mwamaliza kabuku yaka, mungayamba kusambira nayu buku la Kumbi Bayibolo Lisambizanji Weniukongwa? pamwenga la Kumbi Tingasambiranji m’Bayibolu? kuti muwovyi wakusambira kuti wakuwi mwauzimu ndi kubatizika.