Chikumbusu chititipasa mwaŵi wakuŵanaŵaniya vitumbiku vo tazamulonde munthazi chifukwa cha sembi yaku Yesu. Mwakuyeruziyapu, ŵanthu azamuyusika chifukwa cha sembi yeniyi. Yehova wakhumbanga cha kuti ŵanthu afwengi. Ndichu chifukwa chaki tisuzika mumtima asani munthu yo tayanjanga watayika. (1 Ŵakor. 15:26) Yesu wangusuzika ukongwa mumtima kuwona kuti akusambira ŵaki aliya nyifwa yaku Lazaru. (Yoh. 11:33-35) Yesu wakutole mijalidu ya Awiski. Ivi vilongo kuti Yehova nayu wasuzika ukongwa mumtima asani wawona kuti ŵanthu aliya chifukwa cha nyifwa. (Yoh. 14:7) Yehova wakhumbisisa kuziyusa ateŵeti ŵaki. Titenere kuŵanaŵaniya nyengu yo Yehova wazamuyusiya akufwa.Jobu 14:14, 15.

Tigomeza kuti chiyuka chazamuchitika mwadongosolu chifukwa chakuti Yehova ndi Chiuta wadongosolu. (1 Ŵakor. 14:33, 40) M’malu mwakuluta ku maliru tazamulondiyanga ŵanthu wo ayusika. Kumbi muŵanaŵaniya za chiyuka asani munthu yo mutanja watayika? (2 Ŵakor. 4:17, 18) Kumbi mutimuwonga Yehova chifukwa cha sembi yo wakutipasa kweniso chifukwa chakutikambiya kuti ŵanthu wo akufwa azamuyuka?Ŵakol. 3:15.

  • Kumbi ndi mubwezi kweniso mubali winu nuyu yo mukhumbisisa kuti waziyusiki?

  • Kumbi mbanthu naŵa wo akulembeka m’Bayibolu wo mukhumba kuti muzikambisani nawu?