Julani

Lutani pa menyu yachiŵi

Lutani pa vo ve mukati

Akaboni aku Yehova

Chitonga (Malawi)

Kabuku ka Unganu wa Umoyu Widu Wachikhristu Ndipuso Uteŵeti  |  June 2016

 TICHITENGI VINTHU NGE AKHRISTU

Mo Tingasaziyaku Lusu Lidu mu Uteŵeti—Kugwirisiya Ntchitu Mavidiyo Pakusambiza

Mo Tingasaziyaku Lusu Lidu mu Uteŵeti—Kugwirisiya Ntchitu Mavidiyo Pakusambiza

NTCHIFUKWA WULI NKHWAKUKHUMBIKA:

Mavidiyo ngafika ŵanthu pamtima chifukwa awona ndipuso atuvwa. Ivi vitovya kuti aŵiki maŵanaŵanu ngawu ngosi pa vo titiŵasambiza ndipu ativiluwa cha. Yehova ntchakuwoniyapu chidu pa nkhani ya kusambiza mwakugwirisiya ntchitu vinthu vakuwoneka ndi masu.Mac. 10:9-16; Chiv. 1:1.

Vidiyo yamutu wakuti Kumbi Chiuta we ndi Zina?, Kumbi Ndiyani yo Wakulemba Bayibolu?, ndipuso yakuti Kumbi Tingasimikiza Wuli Kuti vo Bayibolu Likamba Vaunenesa? ngakoliyana ndi sambiru 2 ndi 3 mukabuku ka Uthenga Wamampha. Vidiyo yamutu wakuti Nchifukwa Wuli Tikhumbika Kusambira Bayibolo?, Kumbi Sambiru la Bayibolu Lichitika Wuli? ndipuso yakuti Kumbi ndi Vinthu Wuli vo Vichitika pa Nyumba ya Ufumu? ngachiska ŵanthu kuti asambirengi ayambi kusambira Bayibolu kweniso kuti alutengi ku maunganu nga mpingu. Tingagwirisiya so ntchitu mavidiyo ngakulungakulu asani tichitisa sambiru la Bayibolu.km 5/13 3.

MO TINGACHITIYA:

  • Kopiyani limu vidiyo yo mukhumba kuchilongo mweneku wanyumba

  • Nozekiyani fumbu limoza pamwenga ngaŵi ngo ngamumukika kuziya mu vidiyo

  • Woneliyani limoza vidiyo

  • Kambisanani fundu zikuluzikulu

YESANI KUCHITA IVI:

  • Lutani papeji lakumaliya la kapepala ndipu mukambiyeni kuti wachiti sikani kachidindu kuti wasaniyi vidiyo yakuti, Nchifukwa Wuli Tikhumbika Kusambira Bayibolo?

  • Wonesani vidiyo yamutu wakuti Kumbi Tingasimikiza Wuli Kuti Bayibolu Likamba Nadi Unenesa? ndipu mugaŵiyeni kabuku ka Uthenga Wamampha. Mulongoni sambiru 3