Julani

Lutani pa menyu yachiŵi

Lutani pa vo ve mukati

Akaboni aku Yehova

Chitonga (Malawi)

Kabuku ka Unganu wa Umoyu Widu Wachikhristu Ndipuso Uteŵeti  |  January 2017

 TICHITENGI VINTHU NGE AKHRISTU

Mukumbukengi Kupemphere Akhristu Wo Atombozgeka

Mukumbukengi Kupemphere Akhristu Wo Atombozgeka

Bayibolu likukambiya limu kuti Satana watitombozgengi kuti uteŵeti widu uleki kwenda umampha. (Yoh. 15:20; Chiv. 12:17) Kumbi tingawovya wuli Akhristu anyidu wo atombozgeka muvyaru vinyaki? Tiŵapempheriyengi. Bayibolu likamba kuti, “Pempheru la munthu murunji le ndi nthazi ukongwa.”—Yak. 5:16.

Kumbi ndi vinthu wuli vo tingaŵapemphere? Tingapempha Yehova kuti waŵapasi chiganga ndipuso kuti waŵawovyi kuti aleki kuchita mantha. (Yes. 41:10-13) Tingapemphere so ŵara a boma kuti aleki kukaniza ntchitu yidu yakupharazga, “kuti tilutirizi kuja umoyu wabata kweniso wakufwasa.”—1 Tim. 2:1, 2.

Pa nyengu yo Paulo ndi Petro atombozgekanga, Akhristu akwambiliya aŵapempheriyanga ndipu azumbuwanga mazina ngawu. (Mac. 12:5; Ŵar. 15:30, 31) Chinanga kuti tingaziŵa cha mazina nga ŵanthu wo atombozgeka, tingazumbuwa zina la mpingu, charu ndipuso chigaŵa cho aja.

Ndikhumba kupemphere Akhristu wo atombozgeka muvyaru ivi: