Julani

Lutani pa menyu yachiŵi

Lutani pa vo ve mukati

Akaboni aku Yehova

Chitonga (Malawi)

Kabuku ka Unganu wa Umoyu Widu Wachikhristu Ndipuso Uteŵeti  |  January 2016

 TICHITENGI VINTHU NGE AKHRISTU

Mo Tingasazgiyaku Lusu Lidu mu Uteŵeti—Kupanga Maulendu Ngakuweriyaku

Mo Tingasazgiyaku Lusu Lidu mu Uteŵeti—Kupanga Maulendu Ngakuweriyaku

NCHIFUKWA WULI NKHWAKUKHUMBIKA?:

Tikhumba kudiliya mbewu zauneneska zo tipanda. (1 Ŵakor. 3:6) Asani tasaniya munthu yo wakhumba kuziŵa vinandi, tikhumbika kumufumba fumbu lakuti tizikambisani pa ulendu wakuweriyaku. Ivi vingachitisa kuti wakhumbi kuziŵa vinandi kweniso vingatiwovya asani tinozgeke ulendu wakuweriyaku. Asani taweriyaku tingamukambiya kuti taza kuti tizikambisani fumbu lo tingufumba ulendu wajumpha.

MO MUNGACHITIYA:

  • Asani tinozgeke upharazgi wa nyumba ndi nyumba, tikhumbika so kunozgeke fumbu lo tingachifumba munthu pakumaliya kuti tizimumuki pa ulendu wakuweriyaku. Nyengu zinyaki tingafumba fumbu lo le mubuku pamwenga magazini yo tigaŵiya. Pamwenga tingamufumba fumbu lo le mubuku lo tikhumba kuti tizikambisani nayu pa ulendu wakuweriyaku.

  • Asani mwamaliza kukambiskana ndi munthu yo wakhumba kuziŵa vinandi, mulongoni kuti mukhumba kuzikambisana nayu so. Mufumbeni fumbu lo mwanozgeke kuti muzimuki pa ulendu wakuweriyaku. Mufumbeni zina, adiresi pamwenga nambala ya foni.

  • Mutenere kusunga nyengu yo mwapangana.Mat. 5:37.