Julani

Lutani pa menyu yachiŵi

Lutani pa vo ve mukati

Akaboni aku Yehova

Chitonga (Malawi)

Kabuku ka Unganu wa Umoyu Widu Wachikhristu Ndipuso Uteŵeti  |  February 2017

 TICHITENGI VINTHU NGE AKHRISTU

Mugwirisiyengi Ntchitu Mabuku Ngidu Mwazeru

Mugwirisiyengi Ntchitu Mabuku Ngidu Mwazeru

Yesu wangukamba kuti: “Mukulonde kwawezi, pasani so kwawezi.” (Mat. 10:8) Tingalongo kuti tivwiya vo Yesu wangukamba asani tileka kukambiya ŵanthu mtengu wa ndalama yo angapereka asani taŵagaŵiya Bayibolu pamwenga mabuku ngidu. (2 Ŵakor. 2:17) Chinanga kuti veviyo, mabuku yanga ngakonkhosa uneneska wakuzirwa wakutuliya m’Mazu Ngaku Chiuta. Tigwirisiya ntchitu ndalama zinandi kweniso paja ntchitu yikulu ukongwa kuti mabuku ngenanga ngapangiki ndi kutumizika mumipingu pacharu chosi. Mwaviyo, tikhumbika kuto mabuku ngo tiwona kuti tingafiska kugaŵiya.

Tikhumbika kuchita vinthu mwazeru asani tigaŵiya mabuku chinanga mphanyengu yo tipharazga pamalu ngo pasanirika ŵanthu anandi. (Mat. 7:6) M’malu mwakupereka mabuku mwachisawawa, tikhumbika kukambisana nawu dankha kuti tiziŵi asani akhumba nadi kuvwa vinandi. Kumbi lilipu fumbu lo mungamuka kuti hinya mukabokosi ko ke munkhani iyi? Asani mutimukayikiya, mungachita umampha kumupasa waka kapepala. Kweni tingamupasa magazini pamwenga buku linyaki lelosi asani watipempha.—Nthanthi 3:27, 28.