Julani

Lutani pa menyu yachiŵi

Lutani pa vo ve mukati

Akaboni aku Yehova

Chitonga (Malawi)

Kabuku ka Unganu wa Umoyu Widu Wachikhristu Ndipuso Uteŵeti  |  December 2016

 CHUMA CHAKUTULIYA M’MAZU NGAKU CHIUTA | YESAYA 11-16

Charu Chapasi Chazamuzaza ndi Ŵanthu Akuziŵa Yehova

Charu Chapasi Chazamuzaza ndi Ŵanthu Akuziŵa Yehova

11:6-9

Kumbi uchimi uwu ungufiskika wuli kwa Ayisraele?

  • Ayisraele anguchitapu mantha cha pakuwe ku ukapolu ku Babiloni kweniso aviwopanga cha vinyama vakofya pamwenga vigeŵenga.—Ezra 8:21, 22.

Kumbi uchimi uwu ufiskika wuli mazuŵa nganu?

  • Ŵanthu anyaki asintha mijalidu yawu yiheni asani aziŵa Yehova. Ŵanthu wo pakwamba ŵenga akali atamba kuja mwachimangu ndi anyawu. Ŵanthu ŵenaŵa ŵe mu paradayisu wauzimu chifukwa chakuti aziŵa Chiuta.

Kumbi uchimi uwu wazamufiskika wuli kunthazi?

  • Charu chosi chazamusintha ndipu ŵanthu azamuja mwakuvikilirika kweniso mwachimangu nge mo Chiuta wakhumbiyanga pakwamba. Palivi chakulengeka cho chazamuwofya chinyaki.

Paulo wangusintha chifukwa chakuti wanguziŵa Chiuta

  • Po wadanikanga kuti Saulo, Paulo wachitanga vinthu vakofya nge chinyama chamudondu chifukwa wenga Mufarisi.—1 Tim. 1:13.

  • Uneneska wo wangusambira ungumuwovya kuti wasinthi mijalidu yiheni.—Ŵakol. 3:8-10.