Julani

Lutani pa menyu yachiŵi

Lutani pa vo ve mukati

Akaboni aku Yehova

Chitonga (Malawi)

Kabuku ka Unganu wa Umoyu Widu Wachikhristu Ndipuso Uteŵeti  |  December 2016

 TICHITENGI VINTHU NGE AKHRISTU

“Ini Ndilipu! Nditumeni!”

“Ini Ndilipu! Nditumeni!”

Yesaya wangulongo mtima wakujipereka wo nasi tikhumbika kuja nawu. Iyu wangulongo chivwanu ndipu wanguzomera kugwira ntchitu yo Yehova wangumutuma chinanga kuti waziŵanga cha mo watingi wayigwiriyengi. (Yes. 6:8) Kumbi mungasintha vinthu pa umoyu winu kuti mukateŵete ko kukhumbika apharazgi a Ufumu anandi? (Sumu 110:3) Kweni mukhumbika dankha “kuŵerengese mtengu waki.” (Luka 14:27, 28) Chinanga kuti veviyo, mukhumbika kujipereka ukongwa pa ntchitu yakupharazga. (Mat. 8:20; Marko 10:28-30) Nge mo tawone mu vidiyo yamutu wakuti, Kuchiteŵete ko Kukhumbika Apharazgi Anandi, vitumbiku vo tilonde kutuliya kwaku Yehova viphara chechosi cho tikusiya kuti titeŵete Yehova.

ASANI MWAMALIZA KUWONERE VIDIYO, MUKANI MAFUMBU YANGA:

  • Kumbi ndi vinthu wuli vo ŵanthu a m’banja laku Williams angusintha kuti akateŵete ku Ecuador?

  • Kumbi ndi vinthu wuli vo anguŵanaŵaniyapu ŵechendaluti kuchiteŵete kunyaki?

  • Kumbi angusaniya vitumbiku wuli?

  • Kumbi mungasaniya nunkhu ulongozgi wo ungakuwovyani kuziŵa ko mungachiteŵete?

PA NYENGU YA KUSOPA KWA PABANJA, KAMBISANANI MAFUMBU YANGA:

  • Kumbi banja lidu lingachita wuli kuti lichiti vinandi mu uteŵeti? (km 8/11 4-6)

  • Kumbi tingawovya wuli mpingu widu asani tingafiska cha kuchiteŵete ko kukhumbika apharazgi a Ufumu anandi? (w16.03 23-25)