Julani

Lutani pa menyu yachiŵi

Lutani pa vo ve mukati

Akaboni aku Yehova

Chitonga (Malawi)

Kabuku ka Unganu wa Umoyu Widu Wachikhristu Ndipuso Uteŵeti  |  April 2017

 TICHITENGI VINTHU NGE AKHRISTU

Muŵalondeliyengi Umampha

Muŵalondeliyengi Umampha

Kumbi mbayani wo tikhumbika kuŵalondele umampha? Tikhumbika kulondele weyosi yo waza kumawunganu ngidu, kaya wakwamba kali pamwenga wayamba sonu kuwungana nasi. (Ŵar. 15:7; Ŵah. 13:2) Vingachitika kuti Kaboni munyaki wanguleka kuwungana kwa vyaka vinandi kucharu chinyaki. Kweni sonu wayamba kuwungana ndi mpingu winu. Kumbi mungavwa wuli asani vingachitika viyo? Tikayika cha kuti mungamutawuzga ndi mtima wakukondwa. (Mat. 7:12) Mwaviyo, mungachita umampha ukongwa kutawuzga ŵanthu wosi mu Nyumba ya Ufumu mawunganu ngechendayambi pamwenga asani ngamala. Ivi vitovya kuti ŵanthu ayanjanengi ukongwa mu mpingu kweniso Yehova watumbikika. (Mat. 5:16) Mbuneneska kuti nyengu zinyaki tingafiska cha kukambisana ndi weyosi yo waza ku mawunganu, kweni ŵanthu mumpingu angakondwa ukongwa asani weyosi pakuyija wayesesa kuchita venivi. *

Titenere kuŵalondele umampha alendu pa mawunganu ngosi, pa Chikumbusu pe cha. Ŵanthu wo ayamba waka sonu kuwungana nasi angayamba kutumbika Yehova ndi kumusopa mwauneneska asani awona kuti titanjana.—Yoh. 13:35.

^ ndimi 3 Bayibolu lizomereza cha kuchita vinthu ndi ŵanthu akusezgeka pamwenga akujilekanisa wo angawungana nasi.—1 Ŵakor. 5:11; 2 Yoh. 10.