Julani

Lutani pa menyu yachiŵi

Lutani pa vo ve mukati

Akaboni aku Yehova

Chitonga (Malawi)

Kabuku ka Unganu wa Umoyu Widu Wachikhristu Ndipuso Uteŵeti  |  April 2017

 TICHITENGI VINTHU NGE AKHRISTU

Muchiskengi Akhristu Akulopwa

Muchiskengi Akhristu Akulopwa

Chaka chechosi, Akhristu anandi akulopwa atuza ku mwambu wa Chikumbusu. Yiwu angwamba kwenda panthowa yakuluta ku umoyu kweni anguwere vuli pa vifukwa vinyaki. Vinyaki mwa vifukwa venivi vikonkhoseka mukabuku kamutu wakuti Weriyani Kwaku Yehova. (Ŵah. 12:1) Chinanga kuti mbakulopwa, kweni Yehova weche kuŵawona kuti mbakukhumbika ukongwa chifukwa wakuŵagula ndi ndopa za Mwana waki. (Mac. 20:28; 1 Pet. 1:18, 19) Kumbi tingaŵawovya wuli kuti awere mumpingu?

Ŵara mumpingu ayesesa kupenja ndipuso kuwovya Akhristu akulopwa. Yiwu achita nge mo muliska wayesese kupenja mbereri yo yasoŵa. (Luka 15:4-7) Ivi vilongo chanju cho Yehova wenachu. (Yer. 23:3, 4) Kweni mbara pe cha mumpingu wo angachiska Akhristu akulopwa. Tosi tingachita venivi. Yehova wakondwa ukongwa ndipuso watitumbikengi asani tiŵanaŵaniya ŵanthu ŵenaŵa ndi kuŵachitiya lisungu. (Nthanthi 19:17; Mac. 20:35) Mwaviyo, ŵanaŵaniyani munthu yo muwona kuti mungamuchiska. Yesesani kuchita venivi mwaliŵi ukongwa!

WONERIYANI VIDIYO YAMUTU WAKUTI MUCHISKENGI AKULOPWA, PAVULI PAKI, KAMBISANANI MAFUMBU YANGA:

  • Kumbi Abbey wanguchita wuli wati wakumana ndi Kaboni yo wamuziŵanga cha?

  • Ntchifukwa wuli tikhumbika kukambiya dankha ŵara asani tikhumba kuwovya munthu wakulopwa?

  • Kumbi Abbey wangunozgeke wuli kuti wakakumani ndi Laura ulendu wachiŵi?

  • Kumbi Abbey wangulongo wuli kuti wenga wakukunthiyapu, wakuchita vinthu mwachanju kweniso mwakuzikira po wawovyanga Laura?

  • Kumbi tisambiranji pa chakuyeruzgiyapu cho Yesu wangukamba pa Luka 15:8-10?

  • Kumbi Abbey wangusaniya vitumbiku wuli chifukwa chakuyesesa kuwovya Laura?