Yakobe 3:1-18

  • Kuŵeta lilimi (1-12)

    • Pangaŵanga asambizi anandi cha (1)

  • Zeru yakutuwa kuchanya (13-18)

3  Abali ŵangu, pakati pinu pangaŵanga asambizi anandi cha, pakuziŵa kuti tazamulonde cheruzgu chikulu ukongwa.  Pakuti tosi tiguŵa* nyengu zinandi. Asani munthu waguŵa cha pa mazu, ndikuti ngwakufikapu ndipu wangafiska kumanga so liŵavu laki losi.  Asani tamangiriya vingwi kumulomu kwa hachi kuti yitivwiyengi, tilongozga so liŵavu laki losi.  Ŵanaŵaniyani so masitima: Chinanga kuti ngakulu ukongwa ndipu ngatendeseka ndi mphepu yanthazi, ngapetusika ndi nkhafu yimana ukongwa ndipu ngapetusikiya kwekosi ko munthu yo watingayendesa wakhumba.  Lilimi nalu nkhachiŵalu kamana ka liŵavu kweni katijiŵikamu ukongwa. Wonani mo kamotu kamanavi ŵaka kabuskiya thundu likulu!  Lilimi nalu ndi motu. Pa viŵalu vosi va liŵalu lidu, lilimi limiya charu chambula urunji, pakuti lifipiska liŵavu losi, litotcha umoyu wosi wa munthu pamotu, ndipu le ndi motu wa Gehena.*  Pakuti mitundu yosi ya nyama zakudondu, viyuni, vakukwaŵa kweniso va mumaji yingaŵeteka, ndipu yaja yichiŵeteka ndi ŵanthu.  Kweni palivi munthu yo wangaŵeta lilimi. Likoleka cha, ndakupweteka ndipu ndakuzaza ndi poizoni mukali.  Tigwiriskiya ntchitu lilimi lenili pakuthamika Yehova, Awusefwi. Titembe so nalu ŵanthu wo akupangika “mu chikozgu chaku Chiuta.” 10  Pamulomu umoza patuwa thumbiku ndi thembu. Abali ŵangu, mbumampha cha kuti vinthu vichitikengi mu nthowa yeniyi. 11  Kumbi kasupi yumoza wangabwibwituska maji ngamampha *ndipuso ngakuŵaŵa? 12  Abali ŵangu, kumbi chimiti cha mkuyu chingapasa maolivi, pamwenga chimiti cha mphereska chingapasa mkuyu? Kasupi wa maji ngamche wangatuzga maji ngamampha cha. 13  Ndiyani wazeru ndi wakuvwisa vinthu pakati pinu? Walongo ntchitu zo zichitika mwakuzika zo zituliya mu zeru, kuporote mu nkharu yaki yamampha. 14  Kweni asani mumitima yinu mwe sanji yikulu ndipuso mphindanu,* mungajiŵikangamu cha ndipuso kupusikiziya uneneska. 15  Zeru iyi yituliya kuchanya cha, kweni njapacharu chapasi. Yichita vinthu nge nyama ndipuso nge viŵanda. 16  Pakuti peposi po pe sanji ndi mphindanu,* patuŵa so chimtimbaheka kweniso mtundu wewosi wa vinthu viheni. 17  Pakuti zeru yakutuwa kuchanya, chakwamba njakutowa, pavuli paki njachimangu, njakoloŵa, njakunozgeka kuvwiya, njakuzaza ndi lisungu kweniso vipasu vamampha, njambula sankhu ndipuso njambula chinyengu. 18  Ndipu chipasu chaurunji chipandika po pe chimangu, chifukwa cha* ŵanthu wo achita vinthu mwachimangu.

Mazu Ngam'mphata

Pamwenga kuti, “tinangisa.”
Wonani Mazu ngo Ngakonkhoskeka.
Mazu ngaki chayingu, “ngakunowa.”
Panyaki kuti, “kujiŵikamu.”
Panyaki kuti, “ndi kujiŵikamu.”
Panyaki kuti, “po pe chimangu, ndi.”