Chivumbuzi 10:1-11

  • Mungelu wanthazi kweniso kampukutu kamana (1-7)

    • “Paŵengi so kuswera cha” (6)

    • Chisisi chakupaturika chazamufiskika (7)

  • Yohane waturya kampukutu kamana (8-11)

10  Ndipu ndinguwona mungelu munyaki wanthazi wachisika kutuwa kuchanya, wavwala mtambu* ndipuso chiŵingavuwa kumutu kwaki. Chisku chaki chenga nge lumwi, ndipu malundi* ngaki ngenga nge vipilala vamotu.  Ndipuso kujanja laki kwenga kampukutu kamana kambula kutambasuwa. Iyu wangukanda phazi lamaryi panyanja, lamazge pacharu.  Ndipu wangudaniriza ndi mazu nganthazi nge nga nkharamu yo yikoroma. Wati wadaniriza, mazu 7 ngakugululusa ngangulongoro.  Sonu mazu 7 ngakugululusa ngati ngalongoro, ndakhumbanga kulemba, kweni ndinguvwa mazu kuchanya ngakuti: “Sunga chisisi cha* vinthu vo mazu 7 ngakugululusa ngalongoro, ndipu ungavilembanga cha.”  Mungelu yo ndinguwona kuti wama panyanja ndi pacharu, wangusoske muchanya janja laki lamaryi,  ndipu wangulapizgiya paku Mweniyo waliku ndi umoyu muyaya mpaka muyaya, yo wakulenga kuchanya ndi vinthu vosi vo ve kweniko, charu chapasi ndi vinthu vosi vo ve mwenimo, kweniso nyanja ndi vinthu vosi vo ve mwenimo, kuti: “Paŵengi so kuswera cha.  Kweni mu mazuŵa ngo mungelu wa 7 wazamuja kamanavi kumba mbata yaki, chisisi chakupaturika cho Chiuta wakuchipharazga nge uthenga wamampha kwa akapolu ŵaki achimi, chazamufiskika nadi.”  Ndipu ndinguvwa mazu ngakutuliya kuchanya ngachilongoro so nani kuti: “Luta ukato mpukutu wakujula wo we kujanja la mungelu mweniyo wama panyanja ndi pacharu.”  Ndinguluta ku mungelu yo, ndi kumukambiya kuti wandipaski kampukutu kamana. Iyu wangundikambiya kuti: “To, uryi, ndipu kakuŵaŵengi mumoyu, kweni mumulomu mwaku kanowengi nge uchi.” 10  Ndinguto kampukutu ko kujanja la mungelu ndi kukarya, ndipu mumulomu mwangu kanowanga nge uchi, kweni ndati ndakarya, mumoyu mungundipweteka. 11  Ndipu angundikambiya kuti: “Utenere kukambiya limu so vakukwaskana ndi ŵanthu akupambanapambana, mitundu, malilimi* ndipuso mafumu nganandi.”

Mazu Ngam'mphata

Pamwenga kuti, “wakulungika mumtambu.”
Mazu ngaki chayingu, “maphazi.”
Mazu ngaki chayingu, “Jaliya.”
Pamwenga kuti, “vineneru.”