2 Yohane 1:1-13

  • Moni (1-3)

  • Mulutirizgi kwenda mu uneneska (4-6)

  • Phweriyani ndi akunyenga (7-11)

    • Kumutawuzga cha (10, 11)

  • Kunozga ulendu wakuchiŵayende ndipuso kutawuzga (12, 13)

 Ini nge mura, ndilembe munthukazi wakusankhika kweniso ŵana ŵaki wo nditiŵayanja ukongwa. Ndini pe cha nditiŵayanja, kweni ŵanthu wosi wo aziŵa uneneska, nawu atiŵayanja,  chifukwa cha uneneska wo ulutirizga kuja mwaku isi ndipu ujengi mwaku isi mpaka muyaya.  Tazamulonde wezi ukulu, lisungu ndi chimangu vakutuliya kwaku Chiuta, Ada, ndipuso vakutuliya kwaku Yesu Khristu Mwana wawu, limoza ndi uneneska kweniso chanju.  Ndikondwa ukongwa chifukwa ndasaniya kuti anyaki mwa ŵana ŵaku atenda mu uneneska, nge mo tikulonde dangu kutuliya kwa Ada.  Mwaviyo, nditikupempha yiwi munthukazi kuti tiyanjanengi. (Nditikulembe dangu lifya cha, kweni lenilo taja nalu kutuliya pakwamba.)  Chenichi ndichu chanju ching’anamuwa, kuti tilutirizgi kwenda mwakukoliyana ndi marangu. Nge mo mukuvwiya kutuliya pakwamba, dangu laki ndakuti, mulutirizgi kwenda mwaku ilu.  Pakuti ŵanthu anandi akunyenga asere mucharu, ŵeniwo akana kuti Yesu Khristu wakuza mu liŵavu. Munthu yo wachita venivi ngwakunyenga kweniso ngwakususka Khristu.  Phweriyani kuti muleki kutaya vinthu vo tavigwiriya ntchitu, kweni musaniyi mphotu yakukwana.  Weyosi yo wataluriya ndipuso wajaliliya cha mu chisambizu chaku Khristu, walivi Chiuta. Kweni yo wajaliliya mu chisambizu ichi, we ndi Ada kweniso Mwana. 10  Asani munthu munyaki watuza kwaku yimwi ndipu walivi chisambizu ichi, mungamulondiyanga cha munyumba zinu pamwenga kumutawuzga. 11  Pakuti yo watimutawuzga, wagaŵana nayu ntchitu zaki ziheni. 12  Chinanga kuti nde ndi vinthu vinandi vakuti ndikulembiyeni, kweni ndakhumba cha kuti ndigwiriskiyi ntchitu pepala ndi inki. Ndigomezga kuti ndizengi kwaku yimwi ndi kuzilongoro namwi pa masu ndi pa masu, kuti likondwa linu liziŵi likulu ukongwa. 13  Ŵana a mku waku wakusankhika atikutawuzga.

Mazu Ngam'mphata