Vinthu vingayamba kukuyendiyani umampha pa umoyu winu asani musaniya nyengu yakusambira vakukwaskana ndi Chiuta kweniso kuja nayu pa ubwezi. Asani muchitengi venivi mulongongi kuti mukhumbika nadi Chiuta. Wonani vo Yesu wangukamba pa nkhani yeniyi.

Vo Yesu wangukamba

 “Mbakukondwa wo aziŵa kuti akhumbika Chiuta.”—Mateyu 5:3.

•   Tosi tikhumbisiska kuziŵa kumuka kwa mafumbu nge yanga: Kumbi chilatu cha umoyu ntchinthu wuli? Ntchifukwa wuli ŵanthu asuzgika? Ntchinthu wuli chichitika asani munthu wafwa? Kuti tije ndi likondwa chayilu, titenere kuziŵa kumuka kwa mafumbu ngenanga.

 “Munthu wangaja ndi umoyu ndi chiŵandi pe cha, kweni ndi mazu ngosi ngakutuliya mumulomu mwaku Yehova. a”—Mateyu 4:4.

•   tije ndi umoyu, nyengu zosi tikhumbika kurya chakurya, mwakuyanana waka tikhumbika kusambira vakukwaskana ndi Chiuta kuti tije nayu paubwezi. Yesu wangukamba kuti nyengu zosi tikhumbika kuthemba Chiuta kuti watisambizi.

 “Mazu nginu mbuneneska.”—Yohane 17:17.

•   Yesu wanguzumbuwa kuti nthowa yakukhumbika ukongwa yo Chiuta watitisambiziya nkhuziya mu Mazu ngaki Bayibolu.

 Titikuchiskani kuti muyesesengi kupatuwa nyengu yakusambiriya vakukwaskana ndi Chiuta ndipu kuchita venivi kukuwovyeningi kuti mukondwengi ndi umoyu. Wonani vinyaki mwa vinthu vo vingakuwovyani:

•   Ŵerengani Bayibolu kwawezi.

•   Pemphani kuti munthu wayambi kusambira namwi Bayibolu.