Nkhani Yakukwaskana ndi Uteŵeti Waku Yesu
Mumavidiyo yanga, musambirengi vinandi vakukwaskana ndi Yesu Khristu, Mwana waku Chiuta ndipuso Mtaski wa ŵanthu.
Vidiyo Yakwamba: Ukweru Chayiwu wa Charu
Pakuti taŵanthu tosi tikuhara ubudi kutuliya kwaku Adamu, kumbi ndiyani yo wangatitaska? Ndi Mesiya pe!
Vidiyo Yachiŵi: “Uyu Ndi Mwana Wangu”
Yohani Mubatizi wangumunozge nthowa Mesiya. Wonani vinthu vinyaki vakuziziswa vo Yesu wanguchita wachiyamba uteŵeti waki.
Vidiyo Yachitatu: “Munthu Yo Ndini”
Yesu wangujiziŵikisa kwaku Nikodimu, munthukazi waku Samariya kweniso ku ŵanthu a mutawuni ya Nazareti kuti iyu ndi Mesiya, kweni ŵanthu amanavi ndiwu angugomezga. Wati wachita chakuziziswa wangudana alovi wo ŵenga akujiyuyuwa kuti amulondo.
Vidiyo 4: “Chifukwa Chenichi Ndichu Ndikuziya”
Yesu wangulongo kuti we ndi nthazi po wachizganga akutama kweniso watuzanga viŵanda. Kweni ŵanthu anyaki amususkanga ndipu akhumbanga kumubaya. Yesu wanguwovya ŵanthu kuti aje akusambira ŵaki mwalisungu kweniso mwakugwiriskiya ntchitu lusu lakusambiza ndipuso wangusankha akutumika 12.
Vidiyo 5: ‘Ŵanthu Wosi Anguzizwa ndi mo Wasambiziyanga’
Yesu wati wachizga wumba wa ŵanthu wangwamba kuŵasambiza mwalusu ukongwa kuphara mo munthu weyosi wanguŵasambiziyapu. Ŵanthu anguzizwa ukongwa chifukwa waŵasambizanga nge munthu wa udindu, wagwiriskiyanga ntchitu vakuyeruzgiyapu kweniso wanguŵalongo mo angagwiriskiya ntchitu fundu zo pa umoyu wawu.
Vidiyo 6: “Kumbi Ndimwi Yo Taja Tichilindizga?”
Yesu wangulongo nthazi zaki mwa kuyuska akufwa. Vakuziziswa vo wachitanga kweniso vo wasambizanga vavumbuwanga vo venga mumtima mwa ŵanthu wo amuvwisiyanga. Yesu wangugwiriskiya ntchitu ntharika pakukonkhoska vinthu vakukwaskana ndi Ufumu.
