Julani

Lutani pa vo ve mukati

Vo Bayibolo Limuka

Vo Bayibolo Limuka

VO BAYIBOLO LIMUKA

Nchifukwa wuli nkhwakusuzga kuzisa chimangu pacharu chapasi?

Bayibolo likonkhoska vifukwa viŵi. Chakwamba, chinanga kuti ŵanthu angapanga vinthu vinandi vakuziziswa kweni akulengeka kuti ajilongozgengi ŵija cha. Chachiŵi, mapulanu nga ŵanthu ngatondeka chifukwa chakuti “charu chosi chira mu nthazi ya muheni yo,” Satana Diabolo. Ndichu chifukwa chaki, vo ŵanthu ayesesa kuchita vatondeka kuzisa chimangu pacharu chosi chapasi.—Ŵerengani Yeremiya 10:23; 1 Yohane 5:19.

Kujanja ndi kujiwonesa kwachitiska so kuti pacharu chosi chapasi paŵevi chimangu. Boma lo lingazisa chimangu, litenere kusambiza ŵanthu kuti ayanjanengi ndipuso ayanjengi kuchita vinthu vamampha.—Ŵerengani Yesaya 32:17; 48:18, 22.

Ndiyani yo wazisengi chimangu pacharu chapasi?

Chiuta Wanthazizosi walayizga kuti wajalikiskengi boma lo liwusengi ŵanthu wosi pacharu chapasi. Boma laki lazamusere m’malu mwa maboma nga ŵanthu. (Danyele 2:44) Mwana waku Chiuta, Yesu, wazamuwusa nge Karonga wa Chimangu. Iyu wazamutuzgapu uheni wosi pacharu chapasi ndipu wazamusambiza ŵanthu kuja mwa chimangu.—Ŵerengani Yesaya 9:6, 7; 11:4, 9.

Ŵanthu mamiliyoni nganandi pacharu chapasi, mwakulongozgeka ndi Yesu agwiriskiya nchitu Mazu ngaku Chiuta, Bayibolo, kusambiza ŵanthu mo angajaliya mwa chimangu ndi ŵanthu anyaki. Pambula kuswera yapa, pacharu chapasi pajengi nadi chimangu.—Ŵerengani Yesaya 2:3, 4; 54:13.

Kuti muziŵi vinandi, wonani mutu 3 wa m’buku ili, lo likupharazgika ndi Akaboni aku Yehova

[Chithuthuzi papeji 32]

Boma lo lingasintha maŵanaŵanu nga ŵanthu ndilu pe lingazisa chimangu pacharu chapasi

[Mazgu ngam’mphata]

Fatmir Boshnjaku