Ubwezi Widu ndi Yehova
Nge mo nkhani yakwamba m’magazini iyi yakonkhoske, ŵanthu anandi awona kuti Bayibolu ndi buku lakupaturika. Yiwu awona kuti asani atiliŵerenga ndi kugwiriskiya ntchitu fundu zaki, atijivwa kuti ŵe pafupi ukongwa ndi Chiuta ndipu avwisa chifukwa cho ŵe ndi umoyu.
Bayibolu ligwiriskiya ntchitu mazu ngakuti “alivi mzimu waku Chiuta” kuti lilongo kuti ŵanthu awona vinthu mwakupambana. (Yuda 18, 19) Ŵanthu wo akana kulongozgeka ndi Chiuta atende maŵanaŵanu ngawu, kweni wo akhumba kulongozgeka ndi Chiuta awona kuti fundu zaki zakukhumbika.—Aefeso 5:1.
CHILINDIZGA
FUNDU YA M’BAYIBOLU: “Asani wafoka pa zuŵa la suzgu, nthazi zaku zija zimana.”—Nthanthi 24:10, mazu ngamumphata.
VO FUNDU IYI YING’ANAMUWA: Kuguŵa kungatideluwa nthazi ndipu kungatitondekesa kumalana ndi masuzgu pa umoyu widu. Kweni chilindizga chingatiwovya kuti tileki kuwere vuli. Tingapembuzgika ukongwa kuziŵa kuti masuzgu ngo tikumana nangu nga kanyengu kamanavi. Kweniso tingatumbikika kuziya mu masuzgu ngo tikumana nangu.
VO MUNGACHITA: Muŵanaŵaniyengi vinthu vamampha vo vichitikengi kunthazi. Muchitengepu kanthu mwakukoliyana ndi vo mulindizga, m’malu mwa kufipa mtima ndi vinthu vo tiwona kuti vingatichitikiya. Ziŵani kuti “vinthu vamabuchibuchi” vingakuchitikiyani. (Wakutaula 9:11) Chinanga kuti veviyo, nyengu zinyaki vinthu vingaja umampha kuphara mo muŵanaŵaniya. Kuti tivwisi fundu iyi, Bayibolu likonkhoska vo mlimi watenere kuchita. Ilu likamba kuti: “Mija mbewu yaku ndi mlenji, ndipu ungapumuzanga cha janja laku mpaka mazulu; pakuti uziŵa cha zo ziyandanengi, izi pamwenga ziya pamwenga zosi ziŵi zikaŵanga zamampha kwakukozgana.”—Wakutaula 11:6.
BAYIBOLU LIMUKA MAFUMBU NGAKUKHUMBIKA UKONGWA
FUNDU ZA M’BAYIBOLU: “Ndipaskeni kuwamu . . . Mazu nginu mbuneneska.”—Sumu 119:144, 160.
VO FUNDU IYI YING’ANAMUWA: Bayibolu limuka mafumbu ngakukhumbika ukongwa ngo ŵanthu anandi afumba. Mwakuyeruzgiyapu, limuka mafumbu nge yanga:
-
Kumbi tikutuliya pani?
-
Ntchifukwa wuli te pacharu chapasi?
-
Ntchinthu wuli chichitika asani munthu wafwa?
-
Kumbi umoyu uwu ngwenuwu pe wo ulipu?
Ŵanthu mamiliyoni nganandi pacharu chosi asintha umoyu wawu chifukwa cha kuziŵa vo Bayibolu limuka pa mafumbu ngenanga kweniso nganyaki.
VO MUNGACHITA: Sambirani vo Bayibolu lisambiza. Pemphani Akaboni aku Yehova kuti akuwovyeni kulivwisa umampha Bayibolu. Mukhoza so kuluta pa webusayiti yidu ya jw.org, pamwenga mungaluta ku maunganu ngidu ngo ngachitika kwawezi.
FUNDU ZINYAKI ZA M’BAYIBOLU
Woneriyani vidiyo yakuti Ntchifukwa Wuli Tikhumbika Kusambira Bayibolu? pa jw.org. Yisanirika mu vineneru vakujumpha 880
MUZIŴENGI VAKUSOŴA VINU VAUZIMU.
“Mbakutumbikika wo aziŵa kuti akhumbika Chiuta.”—MATEYU 5:3.
SAMBIRANI VINANDI VAKU CHIUTA MWENEKU WA BAYIBOLU.
“Apenji Chiuta . . . ndipu amusaniyengi nadi . . . We kutali cha ndi weyosi waku isi.”—MACHITIDU 17:27.
ŴERENGANI NDI KUŴANAŴANIYA VO BAYIBOLU LIKAMBA.
“Kweni wakondwa ndi dangu laku Yehova, * ndipu walunguruka dangu Laki msana ndi usiku . . . Ndipu chechosi cho wachita chiyendengi umampha.”—SUMU 1:2, 3, mazu ngamumphata.
^ ndimi 23 Bayibolu likamba kuti zina laku Chiuta ndi Yehova.
Mungayanja Kuŵerenga so Nkhani Izi
MAFUMBU NGO BAYIBOLU LIMUKA
Kumbi Kuja Munthu Wauzimu Kung’anamuwanji? Kumbi Ndingaja Munthu Wauzimu Kwambula Kusere Muchisopa?
Saniyani masachizgu ngatatu ngo ngangakuwovyani kuti muje munthu wauzimu ndipuso wonani maboza nganayi ngakukwaskana ndi kuja munthu wauzimu.
CHIGONGWI CHA MLINDA
Kumbi Bayibolu Lingandiwovya Wuli pa Umoyu Wangu?
Buku ili lo ndakali ukongwa le ndi ulongozgi wakovya.
