Mwakuyeruzgiyapu, wonani vo ŵanthu anyaki akamba vakukwaskana ndi mo ayanduliya chifukwa chakuŵerenga Bayibolu kweniso kugwiriskiya ntchitu ulongozgi waki.

“Umoyu wangu utenda umampha ukongwa. Sonu ndasintha mo ndiwone vinthu kweniso mo ndivwiya. Ndipu ndikondwa ukongwa.”​—Fiona.

“Chifukwa chakuŵerenga Bayibolu, sonu ndikondwa ukongwa ndi umoyu.”​—Gnitko.

“Umoyu wangu wasintha ukongwa ndipu sonu nde munthu wamampha. Sonu ndigwira ntchitu kwa mazuŵa ngamanavi ndipu nde ndi nyengu yinandi yakucheze ndi banja langu.”​—Andrew.

Yapa tazumbuwapu waka ŵanthu amanavi. Ŵanthu anandi pacharu awona kuti Bayibolu le ndi ulongozgi wo utiŵawovya ukongwa pa umoyu wawu.

Tiyeni tiwoni mo Bayibolu lingakuwovyiyani kuti . . .

• Muje ndi Liŵavu Lanthazi

• Mulekengi Kusuzgika Maŵanaŵanu

• Muje ndi Banja Kweniso Mabwezi Ngamampha

• Mulekengi Kunanga Ndalama

• Muje pa Ubwezi ndi Yehova

Nkhani zo ze m’magazini iyi, zikuwovyeningi kuziŵa kuti Bayibolu ndi buku lakupaturika waka cha, kweni lingakuwovyani so mu nthowa zinandi.