Kumbi Bayibolu Likambanji?
Kumbi Ufumu Waku Chiuta Ntchinthu Wuli?
ŴANTHU ANYAKI AKAMBA KUTI Ufumu waku Chiuta we mumtima wa munthu. Anyaki aŵanaŵana kuti ndi vinthu vo ŵanthu achita kuti pacharu paje chimangu. Imwi muwona wuli?
VO BAYIBOLU LIKAMBA
“Chiuta wakuchanya wazamujalikiska ufumu wo wazamubwangandulika cha. . . . Kweni wazamuphwanya maufumu ngosi [nga ŵanthu].” (Danyele 2:44) Ufumu waku Chiuta ndi boma chayilu.
FUNDU ZINYAKI ZO TISAMBIRA M’BAYIBOLU
Ufumu waku Chiuta ulamuliya kutuliya kuchanya.—Mateyu 10:7; Luka 10:9.
Chiuta wagwirisiya ntchitu Ufumu wenuwu kuti wafiski khumbu laki, kuchanya kweniso pacharu chapasi.—Mateyu 6:10.
Kumbi Ufumu Waku Chiuta Uzengi Zukwanji?
KUMBI MUNGAMUKA WULI?
Palivi yo waziŵa
Pambula kuswera
Uzengi cha
VO BAYIBOLU LIKAMBA
“Uthenga wamampha uwu wa Ufumu wazamupharazgika pacharu chosi chapasi kuti uje ukaboni ku ŵanthu a mitundu yosi ndipu pavuli paki umaliru uzengi.” (Mateyu 24:14) Asani uthenga wamampha wapharazgika pacharu chosi, Ufumu uzengi kuzimalisa vinthu viheni vo vichitika.
FUNDU ZINYAKI ZO TISAMBIRA M’BAYIBOLU
Pacharu chapasi palivi munthu yo waziŵa zuŵa chayilu lo Ufumu waku Chiuta uziyengi.—Mateyu 24:36.
Mauchimi nga m’Bayibolu ngalongo kuti Ufumu uzengi pambula kuswera.—Mateyu 24:3, 7, 12.
Mungayanja Kuŵerenga so Nkhani Izi
MAFUMBU NGO BAYIBOLU LIMUKA
Kumbi Ufumu Waku Chiuta we Mumtima Winu?
Kumbi Bayibolu ling’anamuwanji asani likamba kuti “Ufumu waku Chiuta we pakati pinu”?
CHIGONGWI CHA MLINDA
Nchifukwa Wuli Tikhumbika Kuromba Kuti Ufumu Waku Chiuta Uzi?
Kumbi Ufumu wenuwu wazamuchita vinthu nivi vo ŵanthu atondeka kuvifiska?
