Julani

Lutani pa vo ve mukati

 CHIGAŴA 5

Kumbi Mbayani wo Anguvwiya Ndipuso wo Anguleka Kuvwiya Panyengu ya Zandi Mukulu?

Kumbi Mbayani wo Anguvwiya Ndipuso wo Anguleka Kuvwiya Panyengu ya Zandi Mukulu?

Ŵanthu anandi mu nyengu yaku Nowa achitanga vinthu viheni. Chiyambo 6:5

Adamu ndi Eva ŵenga ndi ŵana ndipu ŵanthu anguyandana pacharu chapasi. Pati pajumpha nyengu, angelu anyaki angugaruka ndipu angulondo Satana.

Yiwu anguza pacharu chapasi ndi kuja ndi liŵavu laumunthu kuti ato anthukazi. Anthukazi wo angubala ŵana akofya, wo ŵenga andewu ndipuso anthazi.

Charu chosi chinguzaza ndi ŵanthu wo achitanga vinthu viheni. Bayibolo likamba kuti: “Utimbanyizi wa munthu wenga ukuru m’charu ndiso mateskedu ngosi nga maŵanaŵanu nga mu mtima ngenga ngaheni pe nyengu zose.”

 Nowa wanguvwiya Chiuta ndipu wangukhoma chingaraŵa. Chiyambo 6:13, 14, 18, 19, 22

Nowa wenga munthu wamampha. Yehova wangukambiya Nowa kuti wanangengi ŵanthu aheni ndi zandi mukulu.

Chiuta wangukambiya so Nowa kuti wakhomi chingaraŵa chikulu kuti iyu ndi banja laki aseremu ndipuso nyama zakupambanapambana.

Nowa wangutcheŵeska ŵanthu kuti kuzengi Zandi, kweni anguvwiya cha. Ŵanthu anyaki amusekanga ndipu anyaki angumutinkha.

Nowa wati wamala kukhoma chingaraŵa wanguserezamu vinyama.