Julani

Lutani pa vo ve mukati

 CHIGAŴA 3

Kumbi Umoyu Wenga Wuli mu Paradayisu?

Kumbi Umoyu Wenga Wuli mu Paradayisu?

Yehova wangupaska Adamu ndi Eva vinthu vinandi vamampha. Chiyambo 1:28

Munthukazi wakwamba yo Yehova wangulenga wenga Eva, ndipu wangumupereka kwaku Adamu kuti waje muwolu waki.—Chiyambo 2:21, 22.

Yehova wanguŵalenga ndi liŵavu lakufikapu ndipuso maŵanaŵanu ngambula ubudi wewosi.

Muzi wawu wenga Paradayisu wo wenga munda wa Edene. Malu ngo ngenga ngakutowa ukongwa, ndipu ngenga ndi msinji, vimiti va vipasu ndipuso nyama.

Yehova wakambanga nawu, ndipuso waŵasambizanga. Asani angumuvwiya, atingi ajengi ndi umoyu wamuyaya mu Paradayisu pacharu chapasi.

 Chiuta wanguŵakambiya kuti angaryanga cha vipasu va muchimiti chimoza. Chiyambo 2:16, 17

Yehova wangulongo Adamu ndi Eva chimiti chimoza cha vipasu cho chenga mu munda wa Edene ndipu wanguŵakambiya kuti asani aryengi vipasu vaki afwengi.

Yumoza mwa angelu wangugarukiya Chiuta. Mungelu muheni mwenuyu ndi Satana Diabolo.

Satana wakhumbanga cha kuti Adamu ndi Eva avwiyengi Yehova. Mwaviyo, iyu wangugwiriskiya nchitu njoka kukambiya Eva kuti wafwengi cha asani wangarya chipasu kutuliya muchimiti cho, kweni wayananengi ndi Chiuta. Kweni ili lenga boza.—Chiyambo 3:1-5.