Julani

Lutani pa vo ve mukati

 CHIGAŴA 7

Kumbi Yesu Wenga Yani?

Kumbi Yesu Wenga Yani?

Yehova wangutuma Yesu kuti wazi pacharu chapasi. 1 Yohane 4:9

Asani tikhumba kukondwesa Yehova, tikhumbika kuvwiya mwana waki. Kwa vyaka vinandi Adamu wechendalengeki, Yehova wangulenga mungelu wanthazi kuchanya.

Pati pajumpha nyengu, Yehova wangutuma mungelu mwenuyu kuti waziwiyi ku Betelehemu kuziya mwaku Mariya. Mwana yo wangudanika zina lakuti Yesu.—Yohane 6:38.

Yesu wangulongo umampha mijalidu yaku Chiuta po wenga munthu pacharu chapasi, Iyu wenga walisungu, wachanju ndipuso wakufikirika. Wasambizanga ŵanthu uneneska wakukwaskana ndi Yehova mwambula mantha.

 Yesu wachitanga vinthu vamampha kweni watinkhikanga. 1 Petro 2:21-24

Alongozgi avisopa amutinkhanga Yesu chifukwa wavumbuwanga visambizu vawu vaboza ndi nthowa zawu ziheni.

Yesu wachizganga so akutama ndi kuyuska akufwa.

Alongozgi a visopa angukamba vinthu vaboza ku Ŵara ŵa Aroma vakukwaskana ndi Yesu kuti amupumi ndi kumubaya.