Julani

Kumbi Muŵanaŵana Kuti Vinthu Viŵengi Wuli Kunthazi?

Kumbi Muŵanaŵana Kuti Vinthu Viŵengi Wuli Kunthazi?

Kumbi muwona kuti . . .

  • vijengi viyo?

  • vinangikengi ukongwa?

  • viŵengi umampha?

 VO BAYIBOLU LIKAMBA

“Chiuta . . . waleskengi masozi ngosi mumasu mwawu, nyifwa yiŵengepu so cha, chinanga nkhuliya pamwenga kukuta pamwenga urwirwi viŵengepu so cha. Vinthu vakali vajumphapu.”—Chivumbuzi 21:3, 4. New World Translation.

KUMBI VENIVI VING’ANAMUWANJI KWAKU YIMWI?

Mwazamukhorwa ndi ntchitu zo mwazamugwira.—Yesaya 65:21-23.

Mwazamutama cha pamwenga kukumana ndi masuzgu nganyaki ngengosi.—Yesaya 25:8; 33:24.

Mwazamukondwa ndi umoyu wambula kumala ndi mabanja kweniso mabwezi nginu.—Sumu 37:11, 29.

 KUMBI TITENERE KUGOMEZGA VO BAYIBOLU LIKAMBA?

Hinya. Pe vifukwa viŵi vo titenere kuchitiya viyo:

  • Chiuta we ndi nthazi zakufiskiya malayizgu ngaki. Mu Bayibolu, Yehova Chiuta pe ndiyu wadanika “Wanthazizosi” chifukwa nthazi zaki zambula kumala. (Chivumbuzi 15:3) Mwaviyo, wangasintha charu kuti chije chamampha ukongwa. Ivi viyanana ŵaka ndi vo Bayibolu likamba. Ilu likamba kuti “palivi cho Chiuta watondeka kuchita.”—Mateyu 19:26.

  • Chiuta wakhumba kufiska vo wakulayizga. Mwakuyeruzgiyapu, Yehova wakhumbisiska kuziyuska ŵanthu wosi wo akufwa.—Jobu 14:14, 15.

    Bayibolu lilongo so kuti Yesu, Mwana waku Chiuta, wachizganga akutama. Ntchifukwa wuli wachitanga viyo? Chifukwa chakuti wakhumbanga kuchita viyo. (Mariko 1:40, 41) Nge mo Awisi achitiya Yesu nayu wangulongo kuti ngwakukhumbisiska kovya ŵanthu wo akhumbika chovyu.​—Yohane 14:9.

    Mwaviyo, tisimikiza kuti Yehova ndi Yesu akhumba kutiwovya kuti tizije ndi umoyu walikondwa!​—Sumu 72:12-14; 145:16; 2 Peturo 3:9.

 ŴANAŴANIYANI FUNDU IYI

Kumbi Chiuta wasinthengi wuli charu kuti chiŵi chamampha?

Bayibolu limuka fumbu ili pa MATEYU 6:9, 10 ndi pa DANYELE 2:44.