SAMBIRU 15
Ntchifukwa Wuli Mukhumbika Kulutirizga Kusambira Vakukwaskana ndi Yehova?
1. Kumbi ndi vitumbiku wuli vo musaniyengi asani mungalutirizga kusambira Bayibolu?
Tikayika cha kuti vo mwasambira mukabuku yaka vakuwovyani kuti muyambi kumuyanja ukongwa Yehova. Kweni mutenere kulutirizga kusambira kuti chanju chenichi chilutirizgi kukuwa. (1 Peturo 2:2) Kuti ubwezi winu ndi Chiuta uluti panthazi mukhumbika kulutirizga kusambira Mazu ngaki kuti muzilonde umoyu wambula kumala.—Ŵerengani Yohane 17:3; Yuda 21.
Chigomezgu chinu chikuwengi asani mulutirizgengi kusambira uneneska wakukwaskana ndi Chiuta. Chigomezgu chikuwovyeningi kuti muchitengi vinthu vakukondwesa Chiuta. (Aheberi 11:1, 6) Chikuwovyeningi kuti mulapi ndi kusintha umoyu winu.—Ŵerengani Machitidu 3:19.
2. Kumbi yimwi mungachita wuli kuti vo muziŵa vakukwaskana ndi Chiuta viwovyi so ŵanthu anyaki?
Mungaja pa ubwezi wapade ndi Yehova
Pakuti taŵanthu titanja kukambiyaku anyidu nkhani yamampha, namwi mukhumbika kuyesesa kukambiyaku anyinu uthenga wamampha wo mwasambira. Asani mulutirizga kusambira Bayibolu, muwonengi mo mungaligwiriskiya ntchitu pakukonkhoske anyinu uthenga wamampha kweniso vo mugomezga vakukwaskana ndi Yehova.—Ŵerengani Aroma 10:13-15.
Ŵanthu anandi akambiyaku dankha abwezi ŵawu pamwenga abali ŵawu uthenga wamampha. Kweni mukhumbika kuchita vinthu mwakuphwere. Mumalu mwakuŵakambiya kuti chisopa chawu ntchaboza, akambiyeni ŵaka vinthu vo Chiuta walayizga. Mutenere so kukumbuka kuti ŵanthu anandi akondwa ndi jalidu linu lamampha kuluska vo mukamba.—Ŵerengani 2 Timote 2:24, 25.
3. Kumbi mungasaniya mwaŵi wuli asani mungaja pa ubwezi ndi Chiuta?
Kusambira Mazu ngaku Chiuta kukuwovyeningi kuti muluti panthazi mwauzimu. Mukuluta kwa nyengu mujengi pa ubwezi wapade ukongwa ndi Yehova. Mujengi nge mwana wa mubanja laki.—Ŵerengani 2 Akorinto 6:18.
4. Mungachita wuli kuti mulutirizgi kuja pa ubwezi ndi Yehova?
Mungaja pa ubwezi wakukho ndi Yehova asani mulutirizga kusambira Mazu ngaku Chiuta. (Aheberi 5:13, 14) Mungapempha yumoza wa Akaboni aku Yehova kuti wasambirengi namwi Bayibolu mwakugwiriskiya ntchitu buku lakuti Kumbi Tingasambiranji m’Bayibolu? Vinthu vikuyendiyeningi umampha ukongwa asani mulutirizga kusambira Mazu ngaku Chiuta.—Ŵerengani Masalimo 1:1-3; 73:27, 28.
Uthenga wamampha utuliya kwaku Yehova, Chiuta walikondwa. Mungaja nayu pa ubwezi asani mutanjana ndi ŵanthu ŵaki. (Aheberi 10:24, 25) Asani muyesesa kukondwesa Yehova, mwazamusaniya umoyu chayiwu, umoyu wambula kumala. Kuja pa ubwezi ndi Chiuta ndichu chinthu chakuzirwa ukongwa pa umoyu wa munthu.—Ŵerengani 1 Timote 1:11; 6:19.
Mungayanja Kuŵerenga so Nkhani Izi
MAUNGANU
Kumbi ndi Vinthu Wuli vo Vichitika pa Nyumba ya Ufumu?
Lutani ku Nyumba ya Ufumu kuti mukajiwone mwija.
VAKUKWASKANA NDI ISI
Ntchifukwa Wuli Tikhumbika Kusambira Bayibolu?—Vidiyo Yosi
Bayibolu limuka mafumbu nga ŵanthu mamiliyoni nganandi pacharu chosi ngakukwaskana ndi umoyu. Kumbi mungayanja kuja mu gulu la ŵanthu ŵenaŵa?
