Julani

Kumbi Mutiliwona Wuli Bayibolu?

Kumbi Mutiliwona Wuli Bayibolu?

Kumbi muwona kuti ndi . . .

  • buku la zeru za ŵanthu?

  • buku la nthanu?

  • Mazu ngaku Chiuta?

 VO BAYIBOLU LIKAMBA

“Malemba ngosi ngakukambirika ndi Chiuta.”​—2 Timote 3:16, New World Translation.

KUMBI VENIVI VING’ANAMUWANJI KWAKU YIMWI?

Mumukikengi mafumbu ngakusuzga ngakukwaskana ndi umoyu.​—Nthanthi 2:1-5.

Musaniyengi ulongozgi wakovya pa umoyu winu.​—Sumu 119:105.

Mujengi ndi chilindizga cha vinthu vamampha vo vichitikengi kunthazi.​—Aroma 15:4.

 KUMBI TITENERE KUGOMEZGA VO BAYIBOLU LIKAMBA?

Hinya. Pe vifukwa vitatu vo titenere kuchitiya viyo:

  • Ndakukoliyana ukongwa. Bayibolu likulembeka ndi ŵanthu 40 akupambanapambana ndipu linguto vyaka vakujumpha 1,600 kuti limaliziki. Ndipu ŵanthu wo angulemba ŵengaku mu nyengu zakupambanapambana. Kweni Bayibolu losi ndakukoliyana pa fundu yikulu yimoza!

  • Nkhani zaki zauneneska. Akulemba mabuku anandi abisa asani yiwu pamwenga mtundu wawu wathereskeka pa nkhondu. Kweni wo akulemba Bayibolu akubisa cha vo angunangisa pamwenga kuthereskeka kwa mtundu wawu.—2 Mikoka 36:15, 16; Sumu 51:1-4.

  • Le ndi mauchimi ngauneneska. Bayibolu lingukambiya limu za kubwangandulika kwa tawuni ya Babiloni kwati kwaja vyaka 200. (Yesaya 13:17-22) Lingukambiya limu mo tawuni yo yazamubwangandulikiya kweniso linguzumbuwa munthu yo wangubwanganduwa!—Yesaya 45:1-3.

    Pe mauchimi so nganandi nga mu Bayibolu ngo ngakufiskika nge mo Yehova wangukambiya. Asi umu ndimu Mazu ngaku Chiuta ngatenere kuŵiya?—2 Peturo 1:21.

 ŴANAŴANIYANI FUNDU IYI

Kumbi Mazu ngaku Chiuta ngangakuwovyani wuli pa umoyu winu?

Bayibolu limuka fumbu ili pa YESAYA 48:17, 18 ndi pa 2 TIMOTE 3:16, 17.