Julani

Kumbi Masuzgu Ngamalengi?

Kumbi Masuzgu Ngamalengi?

Kumbi mungamuka kuti . . .

  • hinya?

  • awa?

  • panyaki?

 VO BAYIBOLU LIKAMBA

“Chiuta . . . wazamuleska masozi ngosi mumasu mwawu, ndipu nyifwa yazamuŵaku so cha. Kwazamuŵavi kuliya, kukuta pamwenga urwirwi.”—Chivumbuzi 21:3, 4, Bayibolu la Charu Chifya.

KUMBI VENIVI VING’ANAMUWANJI KWAKU YIMWI?

Mungasimikiza kuti ndi Chiuta cha yo wachitiska masuzgu ngo tikumana nangu.—Yakobe 1:13.

Mungapembuzgika chifukwa chakuziŵa kuti Chiuta wakwaskika ndi masuzgu ngo mukumana nangu.—Zekariya 2:8.

Mungaja ndi chigomezgu kuti masuzgu ngosi ngazamumala.—Masalimo 37:9-11.

 KUMBI TITENERE KUGOMEZGA VO BAYIBOLU LIKAMBA?

Hinya. Pe vifukwa viŵi vo titenere kuchitiya viyo:

  • Chiuta watinkha masuzgu ndipuso vinthu vambula urunji. Ŵanaŵaniyani mo Yehova Chiuta vingumupweteke wati wawona kuti ŵanthu ŵaki atiŵachitiya nkhaza. Bayibolu likamba kuti wangusuzgika maŵanaŵanu “chifukwa cha ŵanthu wo aŵakandirizganga ndipuso wo aŵasuzganga.”—Ŵeruzgi 2:18, Bayibolu la Charu Chifya.

    Chiuta watinkha ukongwa ŵanthu wo apweteka anyawu. Mwakuyeruzgiyapu, Bayibolu likamba kuti iyu watinkha “manja ngo ngadira ndopa zambula mulandu.”—Nthanthi 6:16, 17.

  • Chiuta waphwere munthu weyosi pakuyija. Mbanthu pe cha wo ‘aziŵa suzgu kweniso urwirwi wawu.’ Yehova nayu waziŵa!2 Mbiri 6:29, 30.

    Pambula kuswera yapa, Yehova watuzgengepu masuzgu nga munthu weyosi, mwakugwiriskiya ntchitu Ufumu waki. (Mateyu 6:9, 10) Pa nyengu yasonu, iyu wapembuzga wosi wo atimupenja ndi mtima wosi.—Machitidu 17:27; 2 Akorinto 1:3, 4.

 ŴANAŴANIYANI FUNDU IYI

Ntchifukwa wuli Chiuta wazomereza kuti tisuzgikengi?

Bayibolu limuka fumbu ili pa AROMA 5:12 ndi 2 PETURO 3:9.