Julani

Lutani pa vo ve mukati

 SAMBIRU 5

Kuŵerenga Mwakulondo

Kuŵerenga Mwakulondo

1 Timote 4:13

FUNDU ZAKUDUMUWA: Ŵerengani mwakukweza ndipuso ŵerengani mazu ndendende nge mo ngalembeke.

MO MUNGACHITIYA:

  • Nozgekiyani mwakukwana. Ŵanaŵaniyani chifukwa cho nkhani yo yikulembeke. Muŵerengengi mazu nganandi nyengu yimoza, m’malu mwakuŵerenga mazu ngengosi pakungija. Ndipu mungajumphanga mazu cha, mungasazgiyangaku cha pamwenga kusiyaku mazu. Muwonesesengi po pe koma, fulusitopu ndipuso vinthu vinyaki vosi vo vitovya kuti munthu waŵerengengi umampha.

  • Zumbuwani mazu ngengosi mwakulondo. Asani muziŵa cha mo mungazumbuliya mazu nganyaki, vwisiyani mazu ngo ngakujambulika kali mu buku lo muŵerenga pamwenga fumbani munthu munyaki yo waŵerenga umampha kuti wakuwovyeni.

  • Mukambengi vinthu mwakuvwika umampha. Zumbuwani mazu mwakuvwika umampha, ndipu muyunuskengi mutu kweniso mujulengi ukongwa mulomu winu. Muyesesengi kuzumbuwa mazu ngengosi.