Julani

Kumbi Ntchinthu Wuli Cho Chingawovya Kuti Banja Likondwengi?

Kumbi Ntchinthu Wuli Cho Chingawovya Kuti Banja Likondwengi?

Kumbi muwona kuti ndi . . .

  • chanju?

  • ndalama?

  • pamwenga pe chinthu chinyaki?

 VO BAYIBOLU LIKAMBA

“Mbakutumbikika [pamwenga kuti mbakukondwa] wo atuvwa mazu ngaku Chiuta ndi kungasunga!”—Luka 11:28, New World Translation.

KUMBI VENIVI VING’ANAMUWANJI KWAKU YIMWI?

Vingakuwovyani kuti muyanjanengi ukongwa.—Aefeso 5:28, 29.

Vingakuwovyani kuti mutumbikanengi.—Aefeso 5:33.

Vingakuwovyani kuti muje akuvikilirika.—Mariko 10:6-9.

 KUMBI TITENERE KUGOMEZGA VO BAYIBOLU LIKAMBA?

Hinya. Pe vifukwa viŵi vo titenere kuchitiya viyo:

  • Chiuta ndiyu wakwambisa banja. Bayibolu likamba kuti Yehova Chiuta ‘wapereka zina ku banja lelosi.’ (Aefeso 3:14, 15) Mu nthowa yinyaki tingakamba kuti Yehova ndiyu wakuchitiska kuti mabanja ngaŵeku. Ntchifukwa wuli kuziŵa fundu iyi nkhwakukhumbika ukongwa?

    Ŵanaŵaniyani chakuyeruzgiyapu ichi: Asani muturya chakurya chakunowa ndipu mukhumba kuti muziŵi vo vachitiska kuti chinowi viyo, kumbi mungafumba yani? Viwoneke limu kuti mufumbengi yo wabika.

    Mwakuyanana ŵaka, kuti tiziŵi vo vingawovya kuti banja likondwengi, tingachita umampha kufumba Yehova yo wakwambiska banja.—Chiyambo 2:18-24.

  • Chiuta watikuphweriyani. Mabanja ngangachita umampha kupenja ulongozgi waku Yehova mu Mazu ngaki. Chifukwa wuli? “Chifukwa iyu watikuphweriyani.” (1 Peturo 5:6, 7) Yehova watikuŵanaŵaniyani ukongwa ndipu ulongozgi waki ngwakovya nyengu zosi!—Nthanthi 3:5, 6; Yesaya 48:17, 18.

 ŴANAŴANIYANI FUNDU IYI

Kumbi mungachita wuli kuti muje munthulumi, munthukazi pamwenga mupapi wamampha?

Bayibolu limuka fumbu ili pa AEFESO 5:1, 2 ndi pa AKOLOSE 3:18-21.