Julani

Lutani pa vo ve mukati

 TICHITENGI VINTHU NGE AKHRISTU

Yehova Watanja Ŵanthu Achanda

Yehova Watanja Ŵanthu Achanda

Apapi anandi akambiya ŵana ŵawu kuti asambengi mumanja, anozgengi chipinda chawu, apeyengi pabwalu, atuzgengepu viyembi vo ŵarya kweniso asukengi mbali. Yiwu akamba mazu ngenanga kuti asambizi ŵana ŵawu mo angajiphwere mwakuliŵavu. Chinanga kuti veviyo, Chiuta widu yo ndi mutuŵa ndiyu wakwambisa nkhani ya uchanda. (Chitu. 30:18-20; Mara. 23:14; 2 Akori. 7:1) Mwaviyo, tikankhuska Yehova asani tiphwere maliŵavu ngidu kweniso katundu widu. (1 Petu. 1:14-16) Kumbi tiphweriyapu panyumba pidu? Mwakupambana ndi ŵanthu wo ataya bweka vinthu mumsewu kweniso malu nganyaki, Akhristu ayesesa kuchita vo angafiska kuti charu chijengi chakutowa. (Sumu 115:16; Chivu. 11:18) Mo titayiya vinthu vinyaki vimanavimana nge viswaswa va mujuŵa, babogamu, timapepala tafizesi kweniso tamayunisi, vingalongo mo tiwone nkhani ya uchanda. Vosi vo tichita pa umoyu widu, vitenere kulongo kuti “titijisimikiziya taŵeni kuti te ateŵeti aku Chiuta.”​—2 Akori. 6:3, 4.

WONERIYANI VIDIYO YAKUTI CHIUTA WATANJA ŴANTHU ACHANDA, PAVULI PAKI MUKANI MAFUMBU YANGA:

  • Kumbi ntchinthu wuli chichitiska ŵanthu anyaki kuti alekengi kuphwere katundu wawu?

  • Kumbi Dangu laku Mozesi lilongo wuli mo Yehova wawone nkhani ya uchanda?

  • Kumbi vo tichita vingawovya wuli kuti ŵanthu anyaki atumbiki Yehova chinanga tingaleka kulongoro nawu chechosi?

Kumbi ndingalongo wuli kuti ndiwona nkhani ya uchanda nge mo Yehova watiyiwone?