Julani

Lutani pa vo ve mukati

 TICHITENGI VINTHU NGE AKHRISTU

Mo Tingasazgiyaku Lusu Lidu mu Uteŵeti—Mo Tingasambiziya Akusambira Ŵidu Kuti Anozgekiyengi

Mo Tingasazgiyaku Lusu Lidu mu Uteŵeti—Mo Tingasambiziya Akusambira Ŵidu Kuti Anozgekiyengi

NTCHIFUKWA WULI NKHWAKUKHUMBIKA: Asani wo tisambira nawu Bayibolu anozgeke, angavwisa liŵi kweniso angasuzgika cha kukumbuka vo titiŵasambiza. Yiwu angaluta panthazi mwaliŵi ukongwa asani avwisa ndi kukumbuka vo asambira. Chinanga kuti angabatizika, yiwu akhumbika kunozgeke maunganu kweniso uteŵeti kuti ‘alutirizgi kuja masu.’ (Mate. 25:13) Mwaviyo, asani aziŵa mo angasambiriya kweniso kuja ndi ndondomeku yamampha yakusambiriya, vingaŵawovya umoyu wawu wosi. Asani tayamba waka kuŵasambiza, tikhumbika kuŵawovya kuti alutirizgi kunozgeke sambiru la Bayibolu.

MO TINGACHITIYA:

  • Jani chakuwoniyapu chamampha. (Aro. 2:21) Munozgekiyengi sambiru lelosi ndipuso muŵanaŵaniyengi fundu zo zingachiwovya munthu yo musambira nayu. (km 11/15 3) Mulongoni buku linu lo mukugwala mzeri kusi kwa ansala

  • Mumuchiskengi kuti wanozgekiyengi. Asani mwayamba waka kusambira Bayibolu ndi munthu, mukambiyeni kuti kunozgeke ntchigaŵa cha sambiru la Bayibolu, ndipu mukonkhoskiyeni umampha waki. Mukambiyeni vo wangachita kuti wasaniyengi nyengu yakunozgeke. Apharazgi anyaki azomereza kuti munthu yo asambira nayu wagwiriskiyi ntchitu buku lawu lo akugwala mzeri kusi kwa ansala kuti waziŵi umampha wakunozgeke. Mumuwongengi asani wanozgeke

  • Musambizeni mo wanganozgeke. Asani ayamba waka kusambira Bayibolu ndi munthu, apharazgi anyaki anozgeke nayu limoza kuti amulongo mo wanganozgeke sambiru