Julani

Lutani pa vo ve mukati

 TICHITENGI VINTHU NGE AKHRISTU

Ntchitu Zamampha zo Zileka Kuluwika

Ntchitu Zamampha zo Zileka Kuluwika

Mteŵeti waku Yehova weyosi wangapanga mbiri yamampha asani wachita uteŵeti wakupaturika. Mpapi wachanju waluwa cha vinthu vamampha vo ŵana ŵaki achita. Mwakuyanana ŵaka, Yehova nayu waluwa cha ntchitu yidu ndi chanju cho tilongo pa zina laki. (Mate. 6:20; Ahe. 6:10) Munthu weyosi we ndi lusu lakupambana ndi munyaki, kweniso vo tikumana navu pa umoyu vipambana. Tikondwengi ukongwa asani tiyesesa kuchita vosi vo tingafiska pakuteŵete Yehova. (Aga. 6:4; Ako. 3:23) Kwa vyaka vinandi, abali ndi azichi masauzandi nganandi ateŵetiyapu pa Beteli. Kumbi namwi mungachiteŵetiyapu? Asani mungafiska cha, kumbi walipu yo muwona kuti mungamuchiska kuti wachiteku uteŵeti wenuwu? Pamwenga pe munthu munyaki yo wateŵete pa Beteli yo muwona kuti mungamuwovya kuti walutirizgi kuchita uteŵeti wenuwu?

WONERIYANI VIDIYO YAKUTI JIPEREKENI KUTI MUKATEŴETE PA BETELI, PAVULI PAKI MUKANI MAFUMBU YANGA:

  • Kumbi tikhumbika kuja ndi maŵanaŵanu wuli asani tikhumba kuchiteŵete pa Beteli?

  • Kumbi ŵanthu anyaki akambanji vakukwaskana ndi vitumbiku vo asaniya chifukwa cha kuteŵete pa Beteli?

  • Kumbi munthu wakhumbika kufiskanji kuti wakateŵete pa Beteli?

  • Kumbi mungachita wuli kuti mupemphi uteŵeti wa pa Beteli?