Julani

Lutani pa vo ve mukati

 TICHITENGI VINTHU NGE AKHRISTU

Jani ndi Mtima Wakukhumba Kusambizika ndi Yehova

Jani ndi Mtima Wakukhumba Kusambizika ndi Yehova

KUMBI VENIVI VAKUKHUMBIKA WULI?: Msambizi widu Mura Yehova, watitisambiza vinthu vamampha ukongwa. Iyu watitisambiza mo tingajaliya ndi umoyu wamampha kweniso watitiwovya kuti tiziŵi vinthu vamampha vo ve kunthazi. Vosi vo watitisambiza vawezi! (Yesa. 11:6-9; 30:20, 21; Chivu. 22:17) Vo Yehova watitisambiza vititiwovya kuti tikambiyengeku anyidu uthenga wakutaska umoyu.—2 Akori. 3:5.

KUMBI TINGACHITA WULI VENIVI?:

  • Jani akujiyuyuwa ndipuso akuzika.—Sumu 25:8, 9

  • Muwonengi kuti ndi mwaŵi kusambizika ndi Yehova pasonu panu ndipu muzomerengi kukamba nkhani zo mwapasika pa Unganu wa Umoyu Widu Wachikhristu Ndipuso Uteŵeti

  • Ŵanaŵaniyani nthowa zo mungasazgiyaku uteŵeti winu.—Afi. 3:13

  • Jinoleni vinthu vinyaki kuti Yehova wakusambizeni vinthu vinandi.—Afi. 3:8

WONERIYANI VIDIYO YAKUTI TINGUSANIYA VITUMBIKU VINANDI CHIFUKWA CHAKUSAMBIZIKA NDI YEHOVA, PAVULI PAKI MUKANI MAFUMBU YANGA:

  • Kumbi ndi masuzgu wuli ngo apharazgi anyaki angumalana nangu kuti akasere Sukulu ya Apharazgi a Ufumu?

  • Kumbi asambiranji ku Sukulu ya Apharazgi a Ufumu?

  • Kumbi abali ndi azichi mu mpingu atiŵaŵovya wuli wo amaliza sukulu iyi kuti afiski uteŵeti wawu wasonu wo apaskika?

  • Kumbi ndi vinthu wuli vo vikhumbika kuti munthu wakasere Sukulu ya Apharazgi a Ufumu? (kr 189)

  • Kumbi ndi masambiru nganyaki nanga ngo mungayanja kulonde mugulu laku Yehova?

Kumbi musaniyengi vitumbiku wuli asani mungaja ndi mtima wakukhumbisiska kusambizika ndi Yehova?