Julani

Lutani pa vo ve mukati

 TICHITENGI VINTHU NGE AKHRISTU

Nkhani Yasonu yo Yingatiwovya Kuti Tiyambi Kukambisana ndi Munthu

Nkhani Yasonu yo Yingatiwovya Kuti Tiyambi Kukambisana ndi Munthu

Kwambiya mu January 2016, papeji lakumaliya la Chigongwi cha Alinda paja nkhani yamutu wakuti “Kumbi Bayibolu Likambanji?” Nkhani yasonu yeniyi yikupangika kuti yitiwovyi kuyamba kukambisana ndi ŵanthu nkhani ya m’Bayibolu. Nkhani iyi yikulembeka mwakuyanana ndi timapepala. Pe fumbu lakuti munthu waŵanaŵaniyepu, kwamuka kwa m’Malemba ndipuso fundu zinyaki zakuti mukambisani nayu.

Kukambisana ndi munthu nkhani ya m’Malemba kungachitisa kuti muyambi kusambira nayu Bayibolu. Gwirisiyani ntchitu nkhani iyi kuti muwovyi ŵanthu anandi kusambira unenesa.—Mat. 5:6.

MO TINGACHITIYA:

  1. Sankhanipu fumbu limoza ndipu pemphani mweneku wanyumba kuti wakambepu maŵanaŵanu ngaki

  2. Mumuvwisiyengi ukongwa asani wamuka

  3. Ŵerengani lemba lo le pakamutu kakuti “Vo Bayibolu Likamba,” ndipu mufumbeni maŵanaŵanu ngaki. Asani we ndi nyengu, mungalutiriza kukambisana nayu fundu za pakamutu kakuti “Fundu Yinyaki yo Tisambira M’Bayibolu”

  4. Mugaŵiyeni magazini

  5. Panganani nayu kuti muzikambisani fumbu lachiŵi zuŵa linyaki