Julani

Lutani pa vo ve mukati

 FUMBU 6

Kumbi ndi Vinthu Nivi vo Bayibolu Lingukambiya Limu Vakukwaskana ndi Mesiya?

UCHIMI

“Yiwi Betelehemu Efurata, . . . mwaku yiwi mwazamutuwa wakulamuliya yo wazamuchita khumbu langu mu Isirayeli.”

Mika 5:2

KUFISKIKA

“Yesu wati wawaku ku Betelehemu wa ku Yudeya mu nyengu ya Fumu Herodi, awonani! akusanda nyenyezi akutuliya Kuvuma anguza ku Yerusalemu.”

Mateyu 2:1

UCHIMI

“Yiwu agaŵana malaya ngangu, ndipu chakuvwala changu achichitiya mayeri.”

Salimo 22:18

KUFISKIKA

“Sonu asilikali ŵati akhoma Yesu pachimiti, anguto malaya ngaki ngakubwalu ndipu angungagaŵa panayi . . . Kweni laya laki lamukati lengavi musonu chifukwa lingulukika kutuwa pachanya mpaka pasi. Sonu angukambiskana kuti: ‘Tingalipaluwanga cha, kweni tiyeni tichiti mayeri kuti tisaniyi yo liŵengi laki.’”

Yohane 19:​23, 24

 UCHIMI

“Iyu wavikiliya viwanga vaki vosi; palivi chinanga ntchimoza cho chafyoka.”

Salimo 34:20

KUFISKIKA

“Kweni ŵati aza kwaku Yesu angusaniya kuti wafwa kali ndipu angufyo cha malundi ngaki.”

Yohane 19:33

UCHIMI

“Kweni wangugwazika chifukwa cha mphulupulu zidu.”

Yesaya 53:5

KUFISKIKA

“Yumoza mwa asilikali, wangumugwaza ndi mkondu mumbaŵala ndipu nyengu yeniyo mungutuwa ndopa ndi maji.”

Yohane 19:34

UCHIMI

“Angundipaska malipiru ngangu, ndalama 30 zasiliva.”

Zekariya 11:12, 13

KUFISKIKA

“Pavuli paki, yumoza wa akusambira 12, yo waziŵikanga kuti Yudasi Isikariyoti, wanguluta kwa ŵara ŵa asembi, ndipu wangukamba kuti: ‘Mundipaskengenji asani ndamupereka kwaku yimwi?’ Angupangana nayu kuti amupaskengi ndalama 30 zasiliva.”

Mateyu 26:14, 15; 27:5