Yona 2:1-10
2 Sonu Yona wangupemphera kwaku Yehova Chiuta waki kutuliya mumoyu mwa chisomba,+
2 ndipu wangukamba kuti:
“Pa nyengu yo ndasuzgikanga ndingudana Yehova, ndipu wangundimuka.+
Po ndenga pasi pa Dindi* ndingumuliriya kuti wandiwovyi.+
Ndipu munguvwa mazu ngangu.
3 Mwati mwandiponya mundimba, mukati munyanja,Mweza winu ungundimeza.+
Mayiŵa nginu ngosi ngakulungakulu ngajumphanga pachanya pangu.+
4 Ndipu ndingukamba kuti, ‘Ndadikisika pa masu pinu!
Kumbi ndiyilereskengi so wuli nyumba yinu yakusopiyamu yakupaturika?’
5 Maji ngangundimeza ndipu ndenga pafupi kufwa;+Ndimba ya maji yingundibizga.
Dondu la munyanja lingubulumutizga mutu wangu.
6 Ndingudodome mpaka pasi pa mapiri.
Akabali a charu chapasi andijaliyanga kwamuyaya.
Kweni mungundituzga muzenji nde wamoyu, yimwi Yehova Chiuta wangu.+
7 Umoyu wangu uchimala, ndingukumbuka Yehova.+
Pavuli paki, pempheru langu lingufika kwaku yimwi munyumba yinu yakusopiyamu yakupaturika.+
8 Ŵanthu wo atijipereka kwa angoza ŵawu ambula fundu, akana chisimi cha chanju chambula kumala.*
9 Kweni ini ndiperekengi sembi kwaku yimwi ndi mazu ngakuwonga.
Vo ndalayizga, ndifiskengi.+
Utaski utuwa kwaku Yehova.”+
10 Pavuli paki, Yehova wangulamula chisomba, ndipu chinguwukuliya Yona kumtunda.
Mazu Ngam'mphata
^ Pamwenga kuti, “Shelo.” Mazu yanga ngang’anamuwa masanu nga ŵanthu wosi. Wonani Mazu ngo Ngakonkhoskeka.
^ Yapa pangafwatulikiya so kuti, “aleka kuja akugomezgeka.”
