Yobu 36:1-33

  • Elihu wakonkhoska ukulu waku Chiuta (1-33)

    • Wo avwiya vitiŵayende; wo aleka kuvwiya Chiuta, watiŵakana (11-13)

    • ‘Kumbi ndi msambizi nuyu yo wangayanana ndi Chiuta?’ (22)

    • Yobu wakankhuska Chiuta (24)

    • “Chiuta ndi mukulu ukongwa kuluska mo isi tiziŵiya” (26)

    • Chiuta walamuliya vuwa ndi malimphezi (27-33)

36  Elihu wangulutirizga kukamba kuti:  “Lutirizgani kuzizipizga ini ndichikonkhoska,Pakuti ndeche ndi mazu ngakuti ndilongoro mumalu mwaku Chiuta.   Ndilongorongi vosi vo ndiziŵa,Ndipu ndikambengi kuti yo wakundipanga ndi murunji.+   Nadi panu, mazu ngangu ngaboza cha,Yo waziŵa umampha vinthu vosi+ we panu pa masu pinu.   Mbuneneska, Chiuta ngwanthazi+ ndipu wakana weyosi cha;Iyu ndi mukulu pa nkhani yakuvwisa vinthu.*   Iyu waŵasiyengi amoyu cha ŵanthu aheni,+Kweni wapereka urunji ku ŵanthu wo asuzgika.+   Masu ngaki watingatuzgapu cha pa ŵanthu arunji,+Watiŵajalika pamipandu limoza ndi mafumu,*+ ndipu akwezeka kwamuyaya.   Kweni asani amangika ndi simbiKweniso akoleka mu vingwi va masuzgu,   Iyu watiŵavumbuliya vo achita,Watiŵavumbuliya mphulupulu zo achita chifukwa cha kujikuzga kwawu. 10  Wajula makutu ngawu kuti avwisiyi ulongozgiNdipu watiŵakambiya kuti aleki kuchita viheni.+ 11  Asani amuvwiya ndi kumuteŵete,Amalizengi mazuŵa ngawu ndipu vinthu viŵayendiyengi umampha,Vyaka vawu vijengi vakukondwesa.+ 12  Kweni asani akana kuvwiya, abayikengi ndi lipanga*+Ndipu afwengi kwambula kuziŵa. 13  Ŵanthu wo mtima wawu uleka kopa Chiuta,* ajengi ndi chigwinini. Yiwu apempha chovyu cha, chinanga wangaŵamanga. 14  Atufwa ŵeche anamana,+Umoyu wawu wosi aja* pakati pa mahuli nga panyumba yakusopiyamu.+ 15  Kweni Chiuta* wafwatuwa wo asuzgika pa nyengu yo akumana ndi masuzgu,Iyu wajula makutu ngawu asani akandirizgika. 16  Iyu watikutaskani ku masuzgu+Watikuŵikani kumalu ngasani, ngambula vakufinyikizga,+Ndipu watikupembuzgani ndi chakurya chamampha pathebulu linu.+ 17  Pavuli paki, mukhorwengi ndi cheruzgu cho wapereka ku ŵanthu aheni,+Asani cheruzgu chaperekeka kweniso urunji wawoneka. 18  Kweni phweriyani kuti ukali uleki kukuchitiskani vinthu viheni,*+Kweniso mungazomerezanga cha kuti chinyeda chikulu chikulandizgeni. 19  Kumbi kuliya kwinu kwakupempha chovyuPamwenga phamphu linu vikutaskeningi ku masuzgu?+ 20  Mungakhumbiranga usiku cha,Nyengu yo ŵanthu asoŵe mumalu ngawu. 21  Phweriyani kuti muleki kuchita so vinthu viheni,Pakuti mwasankha venivi mumalu mwa masuzgu.+ 22  Awonani! Chiuta wakwezeka chifukwa cha nthazi zaki;Kumbi ndi msambizi nuyu yo wangayanana nayu? 23  Ndiyani yo wamulongozga* nthowa yaki+Pamwenga kumukambiya kuti, ‘Mwachita vinthu viheni?’+ 24  Kumbukani kukweza ntchitu yaki,+Yo ŵanthu atumba.+ 25  Ŵanthu wosi ayiwona,Munthu watiyiwona we patali. 26  Hinya, Chiuta ndi mukulu ukongwa kuluska mo isi tiziŵiya;+Vyaka vaki vinandi ukongwa ndipu tingavivwisa cha.*+ 27  Iyu waguziya muchanya madonthu nga maji;+Ngasongonoka kutuwa ku nyankhuŵinda waki ndi kupanga vuwa;  28  Pavuli paki, mitambu yitingakhutuliya pasi;+Yitingapunguliya pasi po pe ŵanthu.  29  Kumbi walipu yo wangavwisa mo mitambu yiyaliyana,Kweniso kugululusa kwakutuliya muhema laki?*+  30  Wonani mo iyu watambasuliya malimphezi*+ pachanya pakiKweniso wabenekere ndimba* ya nyanja.  31  Iyu waphwere* ŵanthu mwakugwiriskiya ntchitu venivi;Watiŵapaska chakurya chinandi.+ 32  Iyu wabenekere limphezi ndi manja ngaki,Ndipu watililamula po litenere kupuma.+ 33  Kugululusa kwaki kukamba vakukwaskana ndi iyu,Chinanga ndi viŵetu vikamba yo watuza.*

Mazu Ngam'mphata

Mazu ngaki chayingu, “ya mtima.”
Yapa pangafwatulikiya so kuti, “Wasankha mafumu.”
Pamwenga kuti, “chidya.”
Pamwenga kuti, “ampatuku.”
Yapa pangafwatulikiya so kuti, “Yiwu amaliya.”
Mazu ngaki chayingu, “Iyu.”
Pamwenga kuti, “kukuchitiskani kumba mumanja chifukwa cha kutinkha munthu.”
Yapa pangafwatulikiya so kuti, “yo wamususka; yo wamufumba kuti wakonkhoski.”
Pamwenga kuti, “vingafufuzika cha.”
Mazu ngaki chayingu, “mumsasa waki.”
Mazu ngaki chayingu, “ukweru.”
Mazu ngaki chayingu, “misisi.”
Yapa pangafwatulikiya so kuti, “walongolore.”
Yapa pangafwatulikiya so kuti, “cho chituza.”