Yobu 26:1-14

  • Yobu wamuka (1-14)

    • ‘Mo mwawovye munthu wambula nthazi!’ (1-4)

    • ‘Chiuta wakuning’ina charu chapasi mude’ (7)

    • “Iti nthivigaŵa ŵaka ta nthowa zaki” (14)

26  Yobu wangumuka kuti:   “Ndipu wamuwovya munthu yo walivi nthazi! Janja lakulombotoka nalu, ndipu walitaska!+   Munthu yo walivi zeru wamupaska ulongozgi wamampha ukongwa!+ Wavumbuwa zeru zaku zinandi zakovya!   Kumbi ukhumba kukambiya yani,Ndipu ndiyani wakutuma kuti ukambi vinthu va viyo?*   Ŵanthu akufwa alivi nthazi ndipu anjekeme;Yiwu ŵe pasi ukongwa kuluska maji ndi vinthu vo vija mwenimo.   Dindi* nda mwazi pa masu paku Chiuta,*+Ndipu malu nga pharanyiku ngakubenuka.*   Iyu watambasuwa kunkhondi* mude* pachanya pa malu ngambula kanthu,+Waning’ina charu chapasi mude;   Iyu wafiska kuvunga maji mumitambu,+Mwakuti mitambu yiphumuka cha chifukwa cha uzitu waki;   Iyu wajaliza mpandu waki waufumu,Ndipu watambasuliyapu mtambu waki.+ 10  Iyu wakuŵika mphaka kuzunguliya pachanya pa maji;+Ndipu wakuŵika mphaka pakati pa ukweru ndi mdima. 11  Vipilala vakuchanya visukunyika;Vizizwa chifukwa cha kuchenya kwaki. 12  Iyu wavunduwa nyanja ndi nthazi zaki,+Ndipu ndi kuvwisa vinthu kwaki, wavikita chinyama chakofya cha munyanja.*+ 13  Iyu wapuputa kuchanya ndi mvuchi waki;*Ndipu janja laki ligwaza njoka yo yikwaŵa. 14  Awonani! Iti nthivigaŵa ŵaka ta nthowa zaki;+Ndipu isi tavwa ŵaka kutokotoska kwa mazu ngaki! Sonu ndiyani yo wangavwisa malimphezi ngaki nganthazi?”+

Mazu Ngam'mphata

Mazu ngaki chayingu, “Ndipu ndi mvuchi (mzimu) waku yani wo watuwa mwaku yiwi?”
Pamwenga kuti, “Shelo.” Mazu yanga ngang’anamuwa masanu nga ŵanthu wosi. Wonani Mazu ngo Ngakonkhoskeka.
Mazu ngaki chayingu, “iyu.”
Pamwenga kuti, “Ndipu Abadoni ngwakubenuka.”
Anyaki akamba kuti, “kumpotu.”
Mazu ngaki chayingu, “watambasuwa kunkhondi.”
Mazu ngaki chayingu, “wavikita Rahabi.”
Pamwenga kuti, “ndi mphepu yaki.”