Yobu 12:1-25

  • Yobu wamuka (1-25)

    • “Nde munamana cha kwaku yimwi” (3)

    • “Ndaja chinthu chakusekesa” (4)

    • ‘Zeru ze ndi Chiuta’ (13)

    • Chiuta waluska akweruzga ndi mafumu (17, 18)

12  Sonu Yobu wangumuka kuti:   “Nadi, mwaŵanthu yimwi muziŵa vinthu,*Ndipu zeru zifwiyengi namwi limoza!   Kweni nani ndivwisa vinthu.* Ndipu nde munamana cha kwaku yimwi. Kumbi ndiyani yo waleka kuziŵa vinthu venivi?   Ini ndaja chinthu chakusekesa kwa anyangu,+Nde munthu yo wadana Chiuta kuti wamumuki.+ Munthu murunji kweniso wambula kafukwa waja chinthu chakusekesa.   Munthu yo we pa suzgu cha wayuyuwa soka,Waŵanaŵana kuti liwiya ŵanthu ŵija wo malundi ngawu ngambula kukho.*   Mahema nga ankhungu nge pa chimangu,+Ndipu ŵanthu wo akwiyisa Chiuta mbakuvikilirika,+Ŵanthu wo ŵe ndi chiuta wawu mu manja mwawu.   Kweni chondi, fumba vinyama ndipu vikusambizengi;Kweniso fumba viyuni vamude ndipu vikukambiyengi.   Pamwenga ŵanaŵaniya* charu ndipu chikusambizengi;Kweniso somba za munyanja ndipu zikupharazgiyengi.   Kumbi ndiyani pakati pa vinthu venivi yo waleka kuziŵaKuti janja laku Yehova ndilu lachita venivi? 10  Mu manja mwaki ndimu mwe umoyu wa chinthu chechosi chamoyu*Ndipuso mzimu* wa munthu weyosi.*+ 11  Asi gutu litesa mazuNge mo lilimi liyese* chakurya?+ 12  Asi zeru zisanirika ndi ŵanthu akukota,+Ndipuso asi kuvwisa vinthu kutuza chifukwa cha umoyu utali? 13  Kwaku iyu kwe zeru ndi nthazi;+Ulongozgi kweniso kuvwisa vinthu ve ndi iyu.+ 14  Asani wabwanganduwa chinthu chinyaki, chingazengeka so cha;+Asani wajala, palivi munthu yo wangajula. 15  Asani wakaniriya maji, chinthu chechosi chimira;+Kweni asani wangatumiza, ngazaza charu chosi.+ 16  Iyu we ndi nthazi kweniso zeru zakovya;+Ŵanthu wo alanda kweniso wo alandizga anyawu, wosi mbaki; 17  Wachitiska kuti wo apereka ulongozgi ayendi nyawu,*Kweniso akweruzga watiŵasambusa azereza.+ 18  Wafwatuwa vingwi vo mafumu ngamanga,+Ndipuso wamanga lamba muviwunu vawu. 19  Iyu wachitiska kuti asembi ayendi nyawu,+Ndipuso wawisa ŵanthu wo akujalikiskika mwanthazi;+ 20  Ŵanthu akugomezgeka wo apereka ulongozgi watiŵajalika chetiNdipu ŵanthu akukota* watiŵalonda zeru; 21  Iyu wachitiska kuti ŵanthu akuzirwa ayuyuliki,+Ndipu ŵanthu anthazi watiŵachitiska kuti aje akulopwa;* 22  Iyu wavumbuwa vinthu vandimba kutuwa ku mdima,+Ndipu wachitiska kuti mdima ukulu uzi pa ukweru; 23  Wachitiska kuti mitundu yije yanthazi ndi chilatu chakuti wayinangi;Wakuzga mitundu, kuti wayitumizi ku ukapolu. 24  Alongozgi a ŵanthu watiŵachitiska kuti aje ambula kuvwisa vinthu*Ndipu watiŵachitiska kuti ayendengiyendengi muchipululu chambula nthowa.+ 25  Apapasa mu mdima,+ mo mulivi ukweru;Iyu watiŵachitiska kuti ayendengiyendengi nge ŵanthu wo aloŵe moŵa.+

Mazu Ngam'mphata

Mazu ngaki chayingu, “anganya yimwi ndimwi ŵanthu.”
Mazu ngaki chayingu, “nani nde ndi mtima.”
Pamwenga kuti, “ngatelemuka.”
Yapa pangafwatulikiya so kuti, “longoro ndi.”
Pamwenga kuti, “umoyu wa munthu weyosi wamoyu.”
Pamwenga kuti, “mvuchi.”
Mazu ngaki chayingu, “wa liŵavu losi la munthu.”
Mazu ngaki chayingu, “chavu chiyese.”
Pamwenga kuti, “azuliki chechosi.”
Pamwenga kuti, “ŵara.”
Mazu ngaki chayingu, “wafwatuwa lamba wa ŵanthu anthazi.”
Mazu ngaki chayingu, “ambula mtima.”