Yobu 10:1-22

  • Yobu walutirizga kumuka (1-22)

    • ‘Ntchifukwa wuli Chiuta walimbana nani?’ (2)

    • Yobu wayeruzgiya Chiuta ndi iyu (4-12)

    • ‘Kumbi ndingapumuwaku?’ (20)

10  “Nditiwutinkha umoyu wangu.+ Ndilongorongi mwanthazi vakukwaskana ndi madandawulu ngangu. Ndilongorongi chifukwa cha urwirwi wangu!*   Chiuta ndimukambiyengi kuti: ‘Mungandikambanga kuti nde ndi mulandu cha. Ndikambiyeni, ntchifukwa wuli mulimbana nani?   Kumbi muyanduwanji asani mutindikandirizga,Asani muyuyuwa ntchitu ya manja nginu+Ndi kutumbika ulongozgi wa ŵanthu aheni?   Kumbi mwe ndi masu nge nga ŵanthu,Pamwenga kumbi mulereska nge mo munthu wachitiya?   Kumbi mazuŵa nginu ngayanana ndi nga ŵanthu,Pamwenga kumbi vyaka vinu viyanana ndi va munthu,+   Kuti mufufuzi vo ndinangisaKweniso kuti mulutirizgi kupenjapenja ubudi wangu?+   Namwi muziŵa kuti ndilivi mulandu;+Ndipuso kuti palivi yo wanganditaska ku janja linu.+   Manja nginu ndingu ngakundiwumba ndi kundipanga,+Kweni sonu mukhumba kundinangiya limu.   Chondi, kumbukani kuti mukundipanga kutuliya ku dongu,+Kweni sonu mukhumba kundiweze ku fuvu.+ 10  Asi yimwi mungundipunguwa nge mkakaKweniso mungundipanga nge mkaka wakukhoma?* 11  Yimwi mungundivwalika khungu ndipuso mnofu,Ndipu mungundiluka pamoza mwakugwiriskiya ntchitu viwanga kweniso misipi.+ 12  Mwandipaska umoyu kweniso mwandilongo chanju chambula kumala;Kweniso mwavikiliya mzimu* wangu ndi kuwuphwere.+ 13  Kweni mwachisisi mwaŵanaŵana kuti mupangi venivi.* Ndiziŵa kuti vinthu ivi vatuliya kwaku yimwi. 14  Asani ndingubuda mwatingi mundiwonengi,+Ndipu mwatingi mundifwatuwengi cha ku ubudi wangu. 15  Asani nde ndi mulandu, soka kwaku ini! Ndipu chinanga kuti ndilivi mulandu, ndingayunuska cha mutu wangu,+Pakuti ndazazika ndi soni kweniso masuzgu.+ 16  Asani ndayunuska mutu wangu, yimwi mutindiŵinga nge nkharamu+Ndi kulongo nthazi zinu pakulimbana nani. 17  Yimwi mutuza ndi akaboni asonu kuti andisuskiKweniso musazgiyaku ukali winu paku ini,Ndipu masuzgu ngatindiwiya mwakundondolosana. 18  Sonu ntchifukwa wuli mukundituzga mumoyu?+ Mphanyi ndingufwa jisu lelosi lechendandiwoni. 19  Vatingi vijengi nge kuti ndikuŵaku cha;Ndatingi ndituwengi ŵaka mumoyu ndi kulutiriya kumasanu.’ 20  Asi mazuŵa ngangu ngamana?+ Wuli kuti wandileki;Masu ngaki ngaleki kundilereska, kuti panyaki ndipumuweku*+ 21  Ndechendaluti ko ndamuweku so cha,+Kucharu cha mdima ukulu,*+ 22  Charu cha mdima wakuti bii,Charu cha mduzi ukulu ndi chimtimbaheka,Kucharu chenichi, chinanga mbukweru uwoneka nge mdima.”

Mazu Ngam'mphata

Pamwenga kuti, “urwirwi wa umoyu wangu!”
Pamwenga kuti, “masa.”
Pamwenga kuti, “mvuchi; umoyu.”
Mazu ngaki chayingu, “Ndipu vinthu venivi mwavibisa mumtima mwinu.”
Pamwenga kuti, “ndikondweku kamanavi.”
Pamwenga kuti, “cha mdima ndipuso mduzi wa nyifwa.”