Yesaya 64:1-12
64 Asani mungukeruwa kuchanya ndi kusikiya pasi,Kuti mapiri ngasukunyiki chifukwa chaku yimwi,
2 Nge mo viŵiya asani motu uwotcha swanju,Ndipuso asani uŵilisa maji,Mphanyi zina linu laziŵika kwa arwani ŵinu,Ndipuso mphanyi mitundu ya ŵanthu yanjekeme pa masu pinu!
3 Pa nyengu yo munguchita vinthu vakuchitiska mantha vo talindizganga cha,+Mungusikiya pasi, ndipu mapiri ngangusukunyika pa masu pinu.+
4 Kwamba kali palivi yo wavwa pamwenga kukhazaku gutu,Ndipuso palivi jisu lo lawona Chiuta munyaki kupatuwaku yimwi,Yo watovya ŵanthu wo atimulindizga.*+
5 Mwakumana ndi ŵanthu wo akondwa kuchita urunji,+Wo atikukumbukani ndi kulondo nthowa zinu.
Awonani! Mungukwiya pa nyengu yo tabudanga,+Ndipu tinguchita venivi kwa nyengu yitali.
Kumbi sonu titenere kutaskika?
6 Tosi taja nge munthu wakufipiskika,Ndipu ntchitu zidu zosi zaurunji zaja nge kasalu ko munthukazi yo we ku mwezi wavwala.+
Tosi tazamufota nge jani,Ndipu mphulupulu zidu zazakutipingiya kutali nge mphepu.
7 Palivi yo wadaniya pa zina linu,Palivi yo wachitapu kanthu kuti wakukoleseni,Pakuti mwatibisiya chisku chinu,+Ndipu muchitiska kuti tiwondi* chifukwa cha* mphulupulu zidu.
8 Kweni sonu, yimwi Yehova, ndimwi Awusefwi.+
Isi ndisi dongu, ndipu yimwi ndimwi Wakutiwumba widu;*+Tosi ndisi ntchitu ya manja nginu.
9 Yimwi Yehova, lekani kutikwiyiya ukongwa,+Ndipu lekani kukumbuka mphulupulu zidu mpaka muyaya.
Chondi, tilereskeni, pakuti tosi te ŵanthu ŵinu.
10 Matawuni nginu ngakupaturika ngasambuka chipululu.
Ziyoni wasambuka chipululu,Yerusalemu wanangika.+
11 Nyumba yidu* yakupaturika kweniso yaunkhankhu,*Yo apapi ŵidu akali akuthamikiyaningimu,Yafya ndi motu,+Ndipu vinthu vosi vo tayanjanga vanangika.
12 Po muwona venivi, yimwi Yehova, kumbi muchitengepu kanthu cha?
Kumbi mulutirizgengi kuja cheti kweniso kuzomereza kuti tisuzgiki viyo?+
Mazu Ngam'mphata
^ Pamwenga kuti, “wo atimulindizga mwakuzikira.”
^ Mazu ngaki chayingu, “tiwondi ndi janja la.”
^ Mazu ngaki chayingu, “tisongonoki.”
^ Pamwenga kuti, “Yo wakutipanga.”
^ Pamwenga kuti, “Nyumba yidu yakusopiyamu.”
^ Pamwenga kuti, “yakutowa.”
