Yesaya 61:1-11
61 Mzimu waku Yehova, Ambuya Fumu Yikulu, we paku ini,+Chifukwa Yehova wakundisankha kuti ndipharazgi uthenga wamampha ku ŵanthu akufwasa.+
Wakundituma kuti ndichizgi* akusweka mtima,Kuti ndipharazgiyi wo akukoleka ukapolu kuti afwatulikengiKweniso akayidi kuti masu ngawu ngajulikengi,+
2 Kuti ndipharazgi chaka chaku Yehova chakuchitiya ŵanthu lisunguKweniso zuŵa lakuweze nduzga laku Chiuta widu,+Kuti ndipembuzgi wosi wo aliya,+
3 Kuti ndiwovyi wo aliriya Ziyoni,Kuti ndiŵapaski chakuvwala kumutu mumalu mwa vyotu,Mafuta ngakuzayiya mumalu mwa kuliya,Chakuvwala chakuthamikiya mumalu mwa kusuzgika maŵanaŵanu.
Ndipu azamudanika kuti vimiti vikuluvikulu vaurunji,Vakupandika ndi Yehova, kuti wakankhuskiki.*+
4 Azamuzenga so mahami ngakali;Azamuyuska malu ngakali ngo ngangupasuka,+Ndipuso azamuweziyapu matawuni ngo ngangubwangandulika,+Malu ngo ngaja mahami kwa nyengu yitali.*+
5 “Alendu azamukuma ndi kuliska miskambu yinu,Ndipuso alendu+ azamuja alimi ŵinu kweniso akuphwere minda yinu ya mphereska.+
6 Kweni yimwi mwazamudanika kuti asembi aku Yehova;+Yiwu azakukudanani kuti ateŵeti aku Chiuta widu.
Mwazamukurya vinthu va* mitundu ya ŵanthu,+Ndipu mwazamumalikiya unkhankhu wawu.
7 Mumalu mwa soni, mwazamupaskika vigaŵa viŵi,Ndipu mumalu mwa kulengeseka, azamudaniriza mwakukondwa chifukwa cha chigaŵa chawu.
Yiwu azamulonde vigaŵa viŵi mucharu chawu.+
Yiwu azamukondwa kwamuyaya.+
8 Pakuti ini Yehova, nditanja urunji;+Nditinkha unkhungu kweniso vinthu vambula urunji.+
Ndazakuŵapaska mphotu zawu mwakugomezgeka,Ndipuso ndazamuchita nawu phanganu lamuyaya.+
9 Mphapu* yawu yazamuziŵika pakati pa mitundu ya ŵanthu+Ndipuso ŵana ŵawu pakati pa ŵanthu.
Wosi wo azakuŵawona azakuŵaziŵa,Kuti yiwu ndi mphapu* yo Yehova wayitumbika.”+
10 Ndazamuzaya ukongwa mwaku Yehova.
Umoyu wangu wosi wazamukondwa mwaku Chiuta wangu.+
Pakuti wandivwalika vakuvwala va utaski;+Iyu wandivwalika mkhanju* wa urunji,Nge munthulumi mweneku wa nthengwa yo wavwala mphumphu nge ya wasembi,+Ndipuso nge mwali yo wajitowesa ndi vakujitowese.
11 Pakuti nge mo charu chapasi chituzgiya mphukiraKweniso nge mo munda uchitiskiya kuti vinthu vo apandamu viphuki,Ndimu so Yehova, Ambuya Fumu YikuluWachitiskiyengi kuti urunji+ ndi kuthamika viphuki+ pa masu pa mitundu yosi ya ŵanthu.
Mazu Ngam'mphata
^ Mazu ngaki chayingu, “ndimangi.”
^ Pamwenga kuti, “watoweseki.”
^ Mazu ngaki chayingu, “mu mugonezi ndi mugonezi.”
^ Pamwenga kuti, “chuma cha.”
^ Mazu ngaki chayingu, “mbewu.”
^ Mazu ngaki chayingu, “mbewu.”
^ Pamwenga kuti, “mkhanju wapanthuwa.”
