Yesaya 49:1-26

  • Ntchitu ya mteŵeti waku Yehova (1-12)

    • Ukweru ku mitundu ya ŵanthu (6)

  • Isirayeli wapembuzgika (13-26)

49  Vwisiyani kwaku ini, yimwi virwa,*Ndipuso ndivwisiyeni, yimwi mitundu yakutali.+ Yehova wangundidana ndechendaweku.*+ Wanguzumbuwa zina langu ndeche mumoyu mwa ama.   Wangusambusa mulomu wangu kuja nge lipanga lakuthwa;Wandibisa mu mduzi wa janja laki.+ Wangundisambusa muvu wakuthwa;Wangundibisa mukachikwama kaki ka mivi.   Iyu wangundikambiya kuti: “Yiwi Isirayeli, ndiwi mteŵeti wangu,+Kuziya mwaku yiwi ndilongongi unkhankhu wangu.”+   Kweni ini ndingukamba kuti: “Ndasuzgikiya paŵaka. Ndamaliya nthazi zangu pa chinthu cho kulivi, ndazimaliya paŵaka. Kweni cheruzgu changu che ndi Yehova,*Ndipu malipiru ngangu nge* ndi Chiuta wangu.”+   Ndipu sonu, Yehova yo wakundipanga kuja mteŵeti waki pa nyengu yo ndenga mumoyu,Wandikambiya kuti Yakobe ndimuweze kwaku iyu, Kuti Isirayeli wawunganisiki kwaku iyu.+Ndikankhuskikengi pa masu paku Yehova,Ndipu Chiuta wangu wazamuja nthazi zangu.   Ndipu wangukamba kuti: “Mphakukwana cha kuti ndiwi mteŵeti wanguNdi chilatu chakuti uyuski mafuku ngaku YakobeKweniso kuti Ayisirayeli wo ŵeche amoyu, uŵaweze kwawu. Ndakupereka so nge ukweru ku mitundu ya ŵanthu,+Kuti utaski wangu ufiki kuvigoti va charu chapasi.”+  Yehova, Wakuwombo Isirayeli, Mtuŵa waki,+ wakambiya munthu wakuyuyulika,+ munthu wakutinkhika ndi mitundu ya ŵanthu, mteŵeti wa alongozgi, kuti: “Mafumu ngazamuwona ndipu ngazamuyuka,Ndipu alongozgi azamujikama ndi kusindama mpaka visku vawu pasiChifukwa chaku Yehova, yo ngwakugomezgeka,+Mtuŵa waku Isirayeli, yo wakusankha.”+   Yehova wakamba kuti: “Pa nyengu yakulongo lisungu ndingukumuka,+Ndipu mu zuŵa la utaski ndingukuwovya;+Ndakusunganga kuti ndikupereki nge phanganu ku ŵanthu,+Kuti ndinozgi charu,Kuti ndiŵajaliki mu vihara vawu vo venga mahami,+   Kuti ndikambiyi akayidi kuti, ‘Tuwani!’+ Ndipuso wo ŵe mu mdima+ kuti, ‘Jilongoni!’ Azamuryiya mumphepeti mwa msewu,Malu ngawu ngakuliskaku viŵetu ngazamuja mumphepeti mwa misewu yosi yakukulika.* 10  Yiwu azamukuvwa nja cha, pamwenga nyota,+Chifundizi pamwenga lumwi vazakuŵawotcha cha.+ Pakuti yo watiŵachitiya lisungu wazakuŵalongozga,+Ndipu wazakuŵalongozge ku akasupi a maji.+ 11  Mapiri ngangu ngosi ndazakungasambusa msewu,Ndipu misewu yangu yikuluyikulu yazamukwezeka.+ 12  Awonani! Yaŵa atuliya kutali,+Ndipu awonani! yaŵa atuliya kunkhondi* ndipuso kuzambwi,*Ndipu yaŵa atuliya kucharu cha Sinimu.”+ 13  Danirizani mwakukondwa, yimwi machanya, ndipu kondwa, yiwi charu chapasi.+ Mapiri ngazayi ndi kudaniriza mwakukondwa.+ Pakuti Yehova wapembuzga ŵanthu ŵaki,+Ndipu wachitiya lisungu ŵanthu ŵaki akusuzgika.+ 14  Kweni Ziyoni wakambanga kuti: “Yehova wandijowo,+ ndipu Yehova wandiluwa.”+ 15  Kumbi munthukazi wangaluwa mwana waki wakonkhaPamwenga kuleka kuchitiya lisungu mwana yo wakutuwa mumoyu mwaki? Chinanga kuti anthukazi ŵenaŵa angaluwa, ini ndingakuluwa cha.+ 16  Awona! Ndakujoba pavikufi vangu. Mipanda yaku ye pa masu pangu nyengu zosi. 17  Ŵana ŵaku aweku mwaliŵi. Ŵeniwo angukupaluwa ndi kukusakaza azakukuthaŵa. 18  Yunuska masu ngaku ndipu lereska uku ndi uku. Wosi awungana pamoza.+ Yiwu atuza kwaku yiwi. Yehova wakamba kuti, “Nge mo ini ndiliri wamoyu,Wazakujivwalika wosi nge vakutowese,Ndipu wazakuŵavwala nge mo wachitiya mwali. 19  Chinanga kuti malu ngaku ngangunangika ndipuso ngengavi ŵanthu ndipu charu chaku chenga mahami,+Sonu chazamuja chifinyi ukongwa ku ŵanthu wo azamujanga mwenimo,+Ndipu ŵanthu wo angukumeza+ azamuja kutali.+ 20  Ŵana wo anguwaku pa nyengu yo ŵana ŵaku angufwiya, azamulongoro mumakutu mwaku kuti,‘Malu yanga ngafinyi kwaku ini. Ndipaskeni malu ngakuti ndijepu kwenikunu.’+ 21  Ndipu mumtima mwaku wazamukamba kuti,‘Ndiyani yo wakubaliyapu ŵana yaŵa paku ini,Pakuti ŵana ŵangu akufwa ndipu ndibala cha,Akutoleke ku ukapolu kweniso akukoleka ukayidi? Ndiyani yo walera ŵana yaŵa?+ Awonani! Ini ndingusiyika ndija,+Sonu yaŵa atuwa pani?’”+ 22  Yehova, Ambuya Fumu Yikulu, wakamba kuti: “Awonani! ndisoskiyengi mitundu janja langu,Ndipu ndisoskiyengi mitundu ya ŵanthu chiziŵisu changu.*+ Yiwu azengi ndi ŵana ŵinu anthulumi mumanja mwawu*Ndipu anyamuwengi ŵana ŵinu anthukazi pamapewa ngawu.+ 23  Mafumu ngazakukuphwere,+Ŵana anthukazi a mafumu ngo, azamuja alezi ŵaku. Yiwu azamujikama ndi kukusindamiya mpaka visku vawu pasi+Ndipuso azamunyanganga fuvu la kumaphazi ngaku,+Ndipu wazamuziŵa kuti ini ndini Yehova;Ŵanthu wo alindizga ini azamulengeseka cha.”+ 24  Kumbi ŵanthu wo akoleka kali angaphangika mujanja la munthu wanthazi,Pamwenga kumbi ŵanthu wo akoleka ndi mulongozgi wankhaza angataskika? 25  Kweni Yehova wakamba kuti: “Chinanga mbanthu wo akoleka ndi munthu wanthazi azamuphangika,+Ndipu wo akoleka ndi mulongozgi wankhaza azamutaskika.+ Ndisuskengi ŵanthu wo atikususka,+Ndipu nditaskengi ŵana ŵaku. 26  Ndazamuchitiska kuti ŵanthu wo atikuchitiya nkhaza aryi mnofu wawu,Nge mo yiwu aloŵere ndi vinyu wakunong’ome, azamuloŵe ndi ndopa zawu. Ndipu ŵanthu wosi azamuziŵa kuti ini ndini Yehova,+Mtaski waku+ ndipuso Wakukuwombo waku,+Wanthazi waku Yakobe.”+

Mazu Ngam'mphata

Anyaki akamba kuti, “vilumba.”
Mazu ngaki chayingu, “ndechendatuwi mumoyu.”
Pamwenga kuti, “Kweni Yehova wandichitiyengi urunji.”
Pamwenga kuti, “mphotu yangu ye.”
Yapa pangafwatulikiya so kuti, “ngazamuja pachanya pa mitunthu yambula kanthu.”
Anyaki akamba kuti, “kumpotu.”
Pamwenga kuti, “ko kuselere lumwi.”
Pamwenga kuti, “polu langu lachiziŵisu.”
Mazu ngaki chayingu, “pachifuŵa chawu.”