Yesaya 15:1-9
-
Uthenga wacheruzgu wakukwaskana ndi Mowabu (1-9)
15 Uwu mbuthenga wacheruzgu wakukwaskana ndi Mowabu:+
Chifukwa chakuti wabwangandulika mu usiku umoza,Ari+ wa ku Mowabu wachetamisika.
Chifukwa chakuti wabwangandulika mu usiku umoza,Kiri+ wa ku Mowabu wachetamisika.
2 Wakwere ku Nyumba* ndipuso ku Diboni,+Wakwere kumalu ngapachanya kuchiliya.
Mowabu waliriya Nebo+ kweniso Medeba.+
Mutu wewosi wameteka phala,+ mwembi wa munthu weyosi wameteka.+
3 Ŵanthu ŵe mumisewu yaki ndipu avwala vigudulu.
Wosi aliya pachanya pa nyumba zawu kweniso mumabalaza ngawu nga matawuni;Yiwu asika achiliya.+
4 Heshiboni ndi Eleyale aliya;+Mazu ngawu ngavwika mpaka kufika ku Yahazi.+
Ndichu chifukwa chaki asilikali a ku Mowabu alutirizga kudaniriza.
Iyu wambwambwanthiya.
5 Mtima wangu uliriya Mowabu.
Ŵanthu ŵaki wo athaŵa, athaŵiya ku Zowari+ kweniso ku Egilati-shelishiya.+
Yiwu aliya achikwera mtunthu wa Luhiti;Achiluta ku Horoneyamu aliya chifukwa cha soka lo laŵawiya.+
6 Pakuti maji nga ku Nimurimu ngaphwa;Uteka wakubiriŵira wamira,Uteka wamala ndipu palivi chechosi chakubiriŵira cho chajaku.
7 Ndichu chifukwa chaki anyamuwa vinthu vo vajaku pa vinthu vo angusunga kweniso pa chuma chawu;Yiwu ayambuka dambu* la vimiti va arava.
8 Pakuti kuliya kuvwika muchigaŵa chosi cha Mowabu.+
Kuliya kwafika ku Egilayimu;Kuliya kwafika ku Bere-elimu.
9 Pakuti maji nga ku Dimoni ngazaza ndopa,Ndipu ndeche ndi vinandi vakuti ndichitiyi Dimoni:
Nkharamu kuti yiyukiyi ŵanthu a ku Mowabu wo athaŵaNdipuso wo ajaku mucharu.+
Mazu Ngam'mphata
^ Pamwenga kuti, “Nyumba yakusopiyamu.”
^ Ili ndi dambu lo lija ndi maji mu nyengu ya vuwa pe.
