Yesaya 11:1-16

  • Ulamuliru wa urunji wa mphanda yaku Jese (1-10)

    • Mphumphi ndi mwana wa mbereri vija limoza (6)

    • Kuziŵa Yehova kwazamuzaza charu chapasi (9)

  • Akujaku awezeke kwawu (11-16)

11  Mphanda+ yazamume pachisina chaku Jese,+Ndipu mphukira+ yakutuliya kumisisi yaki yazamupasa vipasu.   Ndipu mzimu waku Yehova wazamuja paku iyu,+Mzimu wa zeru+ kweniso wa kuvwisa vinthu,Mzimu wa kulunguchizga kweniso wa nthazi,+Mzimu wa kuziŵa vinthu kweniso wa kopa Yehova.   Ndipu kopa Yehova kwazakumukondwesanga.+ Iyu wazamuyeruzga chifukwa cha vo masu ngaki ngawona cha,Pamwenga kuchenya chifukwa cha vo makutu ngaki ngavwa.+   Iyu wazamuyeruzga ŵanthu akusika mwaurunji,Ndipu wazamuchenya ŵanthu mwakunyoloka chifukwa cha ŵanthu akufwasa a pacharu chapasi. Wazamupuma charu chapasi ndi nthonga ya mulomu waki,+Ndipu wazamubaya ŵanthu aheni ndi mvuchi* wa milomu yaki.+   Urunji wazamuja lamba wapamoyu paki,Ndipu kugomezgeka kwazamuja lamba wamuchiwunu chaki.+   Mphumphi ndi mwana wa mbereri vazamuja pamoza kwa kanyengu,+Ndipu mwana wa mbuzi wazamugona pasi limoza ndi nyalubwi,Tholi,* nkharamu ndipuso nyama yakututuŵa vazamuja pamoza;*+Ndipu kamnyamata kazakuvilongozga.   Ng’ombi ndi chinyama cha biyere, vazamuryiya limoza,Ndipu ŵana ŵawu azamugona pamoza. Nkharamu yazamukurya uteka nge ng’ombi.+   Mwana wakonkha wazamuseŵe pazenji la khakhu,Ndipu mwana wakulumulika wazamuŵika janja laki pamphaku ya njoka yapoyizoni.   Vazamupwetekana cha+Pamwenga kusakazana muphiri langu losi lakupaturika,+Chifukwa charu chapasi chazamuzaza ndi kuziŵa YehovaNge mo maji ngazaziya nyanja.+ 10  Mu zuŵa lo, msisi waku Jese+ wazamukuma nge chiziŵisu* ku mitundu ya ŵanthu.+ Mitundu ya ŵanthu yazamung’anamukiya kwaku iyu kuti yilonde ulongozgi,*+Ndipu malu ngaki ngakupumuliyaku ngazamuja ngaunkhankhu. 11  Mu zuŵa lenilo, Yehova wazamupereka so janja laki, kachiŵi, kuti wato akujaku a ŵanthu ŵaki kutuliya ku Asiriya,+ ku Ijipiti,+ ku Patirosi,+ ku Kushi,+ ku Elamu,+ ku Shinara,* ku Hemati kweniso kutuliya kuvirwa va munyanja.+ 12  Wazamuyuskiya mitundu ya ŵanthu chiziŵisu* ndi kuwunganisa Ayisirayeli wo akumbininiskika,+ kweniso wazamuwunganisa pamoza Ayuda wo akumbininika, kutuliya ku makona nganayi nga charu chapasi.+ 13  Sanji yaku Efurayemu yazamumala,+Ndipu ŵanthu wo atinkha Yuda, azamutuzgikapu. Efurayemu wazamuleka kuchitiya sanji Yuda,Ndipu Yuda wazamuleka kutinkha Efurayemu.+ 14  Yiwu azamusika mumapiri nga* Afilisiti kuzambwi;*Wosi pamoza azamuphanga vinthu va ŵanthu a Kuvuma.* Yiwu azamutambasuwa janja lawu kuti ayukiyi* Edomu+ ndi Mowabu,+Ndipu Aamoni azamuja ŵanthu ŵawu.+ 15  Yehova wazamugaŵa* phota* la nyanja ya ku Ijipiti+Ndipu wazamusukunyisa janja laki pa Msinji.*+ Iyu wazamupuma timisinji taki 7* ndi mvuchi* waki wakotcha,Ndipu wazamuchitiska kuti ŵanthu aziyambuki kwambula kuzuwa sapatu. 16  Ndipu kwazamuja msewu ukulu+ wakutuwa ku Asiriya kuti akujaku a ŵanthu ŵaki aziyendemu,+Nge mo venge pa zuŵa lo Ayisirayeli angutuwa mucharu cha Ijipiti.

Mazu Ngam'mphata

Pamwenga kuti, “mzimu.”
Tholi ndi mwana wa ng’ombi.
Yapa pangafwatulikiya so kuti, “Mwana wa ng’ombi ndipuso nkharamu vazamuryiya pamoza.”
Pamwenga kuti, “polu lachiziŵisu.”
Pamwenga kuti, “Mitundu ya ŵanthu yazamupenja.”
Kung’anamuwa Babiloni.
Pamwenga kuti, “polu lachiziŵisu.”
Mazu ngaki chayingu, “azamusika paphewa la.”
Pamwenga kuti, “ko kuselere lumwi.”
Pamwenga kuti, “ko kutuliya lumwi.”
Pamwenga kuti, “Yiwu azamulongo nthazi zawu paku.”
Yapa pangafwatulikiya so kuti, “wazamukamuska.”
Mazu ngaki chayingu, “lilimi.”
Kung’anamuwa Msinji wa Yufureti.
Yapa pangafwatulikiya so kuti, “wazakuwupuma kuti uje timisinji 7.”
Pamwenga kuti, “mzimu.”