Yeremiya 9:1-26

  • Yeremiya we ndi chitima chikulu (1-3a)

  • Yehova watumba mulandu Yuda (3b-16)

  • Kuliriya Yuda (17-22)

  • Kumalika chifukwa chakuziŵa Yehova (23-26)

9  Mphanyi mumutu mwangu mwenga maji,Mphanyi masu ngangu ngenga kasupi wa masozi!+ Ndatingi ndiliyengi msana ndi usikuChifukwa cha ŵanthu ŵangu wo abayika.   Mphanyi ndenga ndi malu ngakugonaku ŵanthu apaulendu muchipululu! Ndatingi ndilekengi ŵanthu ŵangu ndi kutuwaku kwaku yiwu,Pakuti wosi mbachigololu,+Ndi gulu la ŵanthu ambula kugomezgeka.   Yiwu akunga lilimi lawu nge uta;Boza kweniso kuleka kugomezgeka vawanda mucharu.+ “Yiwu atuwa pa uheni uwu kuluta pa uheni unyaki,Ndipu alivi nani ntchitu,”+ Yehova ndiyu wakamba.   “Weyosi waphwere ndi munthu yo wakuzengezana nayu,Ndipu mungathembanga chinanga ndi mubali winu cha. Pakuti mubali weyosi wa munthu ngwakupereka munyaki,+Ndipu weyosi yo wakuzengezana ndi munyaki wakamba vinthu viheni va munyaki.+   Weyosi wapusika yo wakuzengezana nayu,Palivi yo wakamba uneneska. Asambiza lilimi lawu kukamba boza.+ Atijivukisa ndi vinthu viheni.   Yiwi uja pakati pa boza. Chifukwa cha boza lawu akana kundiziŵa,” Yehova ndiyu wakamba.   Mwaviyo, Yehova wa mizinda wakamba kuti: “Ndiŵasongonongi kweniso ndiŵayesengi,+Pakuti ndingachitanji so chinyaki ndi mwana munthukazi wa ŵanthu ŵangu?   Lilimi lawu ndi muvu wakubaya, lilongoro vinthu vaboza. Ndi lilimi laki, munthu walongoro va chimangu ku munthu yo wakuzengezana nayu,Kweni mumtima mwaki waŵanaŵana kuti wamukhazi panthowa.”   “Kumbi nditenere cha kuŵamba mulandu chifukwa cha vinthu venivi?” Yehova ndiyu wakamba. “Kumbi nditenere cha kuweze nduzga pa mtundu waviyo?+ 10  Ndiliriyengi mapiri kweniso ndingatenjeliyengiNdipu ndimbengi sumu yakumba pakuliya chifukwa cha malu ngakuliskaku viŵetu nga muchipululu,Pakuti vawotcheka mwakuti palivi munthu yo wajumphamu,Kuliya kwa viŵetu kuvwika cha. Viyuni vamude kweniso vinyama vathaŵa; vosi valuta.+ 11  Ndichitiskengi kuti Yerusalemu waje mulu wa mya,+ mphanji ya akambwi,+Ndipu matawuni nga ku Yuda ndingasambusengi mahami, ngambula munthu wakujamu.+ 12  Ndiyani yo we ndi zeru kuti wavwisi vinthu venivi? Kumbi mulomu waku Yehova walongoro kwaku yani, kuti wapharazgi venivi? Ntchifukwa wuli charu chabwangandulika? Ntchifukwa wuli chawotcheka nge chipululu,Mwakuti palivi munthu yo wajumphamu?” 13  Yehova wangumuka kuti: “Ntchifukwa chakuti angukana dangu langu lo* ndinguŵapaska, angulilondo cha ndipuso anguvwiya cha mazu ngangu. 14  Mumalu mwaki, anguchita mtafu ndi kulondo mitima yawu,+ ndipu angulondo vikozgu vaku Bala nge mo awusewu anguŵasambiziya.+ 15  Mwaviyo, Yehova wa mizinda, Chiuta waku Isirayeli wakamba kuti, ‘Awonani, ndichitiskengi kuti ŵanthu yaŵa aryi kamiti kakuŵaŵa, ndipuso kuti amwi maji ngapoyizoni.+ 16  Ndazakuŵambininiskiya mu mitundu ya ŵanthu yo yiwu ndi awusewu ayiziŵanga cha,+ ndipu ndazakuŵatumiya lipanga mpaka po ndaziŵamaliya limu.’+ 17  Yehova wa mizinda wakamba kuti,‘Chitani vinthu mwazeru. Danani anthukazi wo atumba sumu zakumba pakuliya,+Ndipuso anthukazi alusu kuti azi, 18  Kuti azi mwaliŵi ndi kutitenjere,Kuti masozi ngapopomi mumasu ngiduNdipuso kuti vikolongu vidu vinthonyi maji.+ 19  Pakuti chitenje chavwika mu Ziyoni:+ “Tabwangandulika! Talengeseka ukongwa! Pakuti taleka malu ngidu, ndipu awisiya pasi nyumba zidu.”+ 20  Yimwi anthukazi, vwani mazu ngaku Yehova. Makutu nginu ngalonde mazu nga mumulomu mwaki. Sambizani ŵana ŵinu anthukazi chitenje ichi,Ndipuso sambizanani sumu iyi yakumba pakuliya.+ 21  Pakuti nyifwa yaselere pamawindu ngidu;Yasere mutinyumba tidu takuthopoka takukhoKuti yito ŵana ŵidu mumisewuKweniso anyamata mumabalaza nga tawuni.’+ 22  Ukambi kuti, ‘Yehova wakamba kuti: “Mathupi nga ŵanthu ngazamukuwa pasi nge manyowa mumunda,Nge tirigu yo wasengeka ŵaka sonu ndi wakuvuna,Kwambula munthu wakuti wamuwunjiki.”’”+ 23  Yehova wakamba kuti: “Munthu wazeru wangamalikanga cha chifukwa cha zeru zaki;+Munthu wanthazi wangamalikanga cha chifukwa cha nthazi zaki;Ndipu munthu wakukhupuka wangamalikanga cha chifukwa cha chuma chaki.”+ 24  “Kweni yo wamalika, wamalikengi chifukwa cha vinthu ivi: Chifukwa chakuti we ndi zeru kweniso waziŵa ini,+Kuti ndini Yehova, yo walongo chanju chambula kumala, yo wapereka cheruzgu chakunyoloka kweniso yo wachita vinthu mwaurunji pacharu chapasi,+Pakuti vinthu venivi ndivu ndikondwa navu,”+ Yehova ndiyu wakamba. 25  “Awonani! Mazuŵa ngatuza,” Yehova ndiyu wakamba, “ndipu ndazamukumba mulandu weyosi yo wakudumulika kweni wakudumulika ku liŵavu pe.+ 26  Ndazamukumba mulandu Ijipiti,+ Yuda,+ Edomu,+ Amoni,+ Mowabu+ ndipuso ŵanthu wosi wo akucheketereza mwembi wawu wa mumbulukutu wo aja muchipululu;+ pakuti mitundu yosi ya ŵanthu yikudumulika cha, ndipu nyumba yosi yaku Isirayeli njambula kudumulika mumtima.”+

Mazu Ngam'mphata

Pamwenga kuti, “ulongozgi wangu wo.”