Yeremiya 8:1-22

  • Ŵanthu achita vo anandi atanja (1-7)

  • Kumbi munthu wangaja ndi zeru kwambula mazu ngaku Yehova? (8-17)

  • Yeremiya waliya chifukwa cha kupwetekeka kwaku Yuda (18-22)

    • “Kumbi mu Giliyadi mulivi basamu?” (22)

8  Yehova wakamba kuti: “Pa nyengu yo, viwanga va mafumu nga ku Yuda, viwanga va alongozgi ŵaki akuzirwa, viwanga va asembi, viwanga va achimi ndipuso viwanga va ŵanthu a mu Yerusalemu vazamutoleka mumadindi ngawu.  Vazamunikika pa lumwi, pa mwezi kweniso pa mzinda wosi wakuchanya, vinthu vo aviyanjanga, kuviteŵete, kuvilondo, kuvipenja kweniso kuvisindamiya.+ Vazamuwunjikika cha ndipuso vazamuŵikika mudindi cha. Vazamukuŵa nge manyowa pacharu chapasi.”+  “Ndipu akujaku abanja liheni ili wo azamupona, azamusankha nyifwa mumalu mwa umoyu, kumalu ngosi ngo ndazakuŵambininiskiyaku,” Yehova wa mizinda ndiyu wakamba.  “Ndipu utenere kuŵakambiya kuti, ‘Yehova wakamba kuti: “Kumbi awengi pasi kwambula kuyuka so? Asani yumoza wangawelere, kumbi munyaki nayu wangawelere cha?   Ntchifukwa wuli ŵanthu yaŵa, akuja mu Yerusalemu alutirizga kuja ambula kugomezgeka? Yiwu akolesa boza;Ndipu akana kuwelere.+   Ndenga masu ndipu ndavwisiyanga, kweni alongoronga umampha cha. Pengavi munthu yo wangulapa uheni waki pamwenga kufumba kuti, ‘Ntchinthu wuli cho ndachita?’+ Weyosi wawere ku vinthu vo ŵanthu anandi atanja, nge hachi yo yitchimbiriya ku nkhondu.   Chinanga ndi kakoŵa wamude waziŵa nyengu zaki;*Njiŵa yimana, kaŵeruŵeru kweniso mbuyi visunga nyengu yakuwere ko vikutuliya. Kweni ŵanthu ŵangu chayiwu avwisa cha cheruzgu chaku Yehova.”’+   ‘Mungakamba wuli kuti: “Te ndi zeru, ndipuso te ndi dangu laku* Yehova”? Pakuti kukamba uneneska, alembi agwiriskiya ntchitu vakulembe vawu+ pakulemba maboza.   Ŵanthu azeru alengeseka.+ Yiwu ŵe ndi mantha ndipu akolekengi. Awonani! Yiwu akana mazu ngaku Yehova,Ndi zeru wuli zo ŵe nazu? 10  Mwaviyo, awolu ŵawu ndazakuŵapereka kwa anthulumi anyaki,Ndipu minda yawu ndazakuyipereka ku ŵanthu anyaki;+Pakuti kwambiya mumana ukongwa mpaka mura ukongwa, weyosi wasaniya phindu lachinyengu;+Kwambiya mchimi mpaka wasembi, weyosi wachita chinyengu.+ 11  Mwana munthukazi wa ŵanthu ŵangu yo wapwetekeka,* atimuchizga patalipatali, ndipu atimukambiya kuti,“Kwe chimangu! Kwe chimangu!” Penipo kulivi chimangu.+ 12  Kumbi achita soni chifukwa cha vinthu vakuseruska vo achita? Achita soni cha chinanga nkhamanavi! Yiwu aziŵa cha mo angachitiya soni!+ Mwaviyo, azamukuwa pakati pa ŵanthu wo awa. Pa nyengu yo ndazakuŵalangiya azamuguŵa,’+ Yehova ndiyu wakamba. 13  ‘Pa nyengu yo ndazakuŵawunganisa, ndazakuŵamala,’ Yehova ndiyu wakamba. ‘Muchimiti cha mphereska mwazamujaliya mphereska cha, muchimiti cha mkuyu mwazamujaliya vipasu va mkuyu cha, ndipu mani ngaki ngazamufota. Vinthu vo ndinguŵapaska vazamusoŵa.’” 14  “Ntchifukwa wuli taja panu? Tiyeni tiwungani pamoza, tikasere mumatawuni nga mipanda yakukho+ ndipu tikamaliyi mwenimo. Pakuti Yehova Chiuta widu watimalengi,Ndipu watitipaska maji ngakudaku poyizoni kuti timwi,+Chifukwa tabudiya Yehova. 15  Talindizganga chimangu, kweni pengavi chamampha cho chinguza,Talindizganga nyengu ya kuchizgika, kweni kwe mantha!+ 16  Kufwenkhuwa kwa mahachi kuvwika kutuliya ku Dani. Chifukwa cha kuliya kwa mahachi ngaki nganthulumi,Charu chosi chindengandenga. Atuza kuzimeza charu ndi vosi vo ve mwenimo,Tawuni ndi ŵanthu wo aja mwenimo.” 17  “Pakuti ndituma njoka pakati pinu,Njoka zapoyizoni zo zingaseŵereseka cha,Ndipu zazakukulumani nadi,” Yehova ndiyu wakamba. 18  Chitima changu chingamala cha;Mtima wangu watama. 19  Mwana munthukazi wa ŵanthu ŵanguWaliriya chovyu kutuliya kucharu chakutali, ndipu wakamba kuti: “Kumbi Yehova we mu Ziyoni cha? Kumbi fumu yaki ye mwaku iyu cha?” “Ntchifukwa wuli andikwiyisa ndi vikozgu vawu vakujoba,Achiuta ŵawu achilendu ambula fundu?” 20  “Nyengu ya kuvuna yajumpha, chihanya chamala,Kweni tataskika cha!” 21  Nde ndi urwirwi chifukwa cha kupwetekeka kwa mwana munthukazi wa ŵanthu ŵangu;+Nde ndi chitima ukongwa. Ndipuso nde ndi mantha ukongwa. 22  Kumbi mu Giliyadi mulivi basamu?*+ Kumbi mulivi munthu wakuchizga?*+ Ntchifukwa wuli mwana munthukazi wa ŵanthu ŵangu wachizgika cha?+

Mazu Ngam'mphata

Pamwenga kuti, “nyengu yaki yakuŵikika.”
Pamwenga kuti, “te ndi ulongozgi waku.”
Pamwenga kuti, “akufyoka viwanga.”
Pamwenga kuti, “mafuta ngakusisipuwa?”
Pamwenga kuti, “dokotala?”