Yeremiya 6:1-30

  • Yerusalemu we pafupi kuzingilizika (1-9)

  • Yehova wakwiyiya Yerusalemu (10-21)

    • Akamba kuti “Kwe chimangu!” penipo kulivi chimangu (14)

  • Ŵanthu ankhaza a kumpotu azakuŵayukiya (22-26)

  • Yeremiya waŵikika kuja wakuyesa visulu (27-30)

6  Bisamani kutali ndi Yerusalemu, yimwi ŵana aku Benjamini. Mbani mbata+ mu Tekowa;+Buskani motu pa Beti-hakeremu kuti uje chiziŵisu! Pakuti soka lituliya kunkhondi,* soka likulu.+   Mwana munthukazi wa ku Ziyoni we nge munthukazi wakutowa kweniso wakulombotoka.+   Aliska azengi ndi miskambu yawu. Yiwu azamujintha mahema ngawu kuzunguliya Yerusalemu,+Weyosi wazamuliska mskambu waki.+   “Nozgekiyani kuti muchiti nayu nkhondu! Sokani, tiyeni timuyukiyi msana pakati!” “Soka isi, chifukwa lumwi lisika,Pakuti vithuthuzi vamazulu vija vitali!”   “Sokani, tiyeni timuyukiyi ndi usikuNdipu tibwanganduwi tinyumba taki takuthopoka takukho.”+   Pakuti Yehova wa mizinda wakamba kuti: “Dumuwani vimiti ndipu jinthani chakukwerapu pakuchita nkhondu ndi Yerusalemu.+ Iyu ndi tawuni yo yitenere kumbika mulandu;Mwaku iyu mwe kukandirizga pe.+   Nge mo chisimi chisungiya maji ngaki ngakuzizira,Yerusalemu nayu wasunga uheni waki. Nkhaza ndi pharanyiku vivwika mwaku iyu;+Nyengu zosi ndiwona matenda ndi milili.   Tcheŵa, yiwi Yerusalemu, asani po cha ndiserukengi nawi ndipu ndituwengeku kwaku yiwi;+Ndikusambusengi mahami, charu chambula ŵanthu.”+   Yehova wa mizinda wakamba kuti: “Yiwu azamutondo ŵanthu wosi akujaku aku Isirayeli nge mphereska zakumaliya muchimiti cha mphereska. Tambasuwa so janja laku nge munthu yo wapontho mphereska muvimiti va mphereska.” 10  “Kumbi ndilongoro ndi yani kweniso nditcheŵeski yani? Ndiyani yo wavwisiyengi? Awonani! Makutu ngawu ngajalika,* mwakuti atondeka kuvwisiya.+ Awonani! Yiwu anyoza mazu ngaku Yehova;+Ndipu akondwa nangu cha. 11  Mwaviyo, ukali waku Yehova wazaza mwaku ini,Ndipu ndavuka kuwusunga mukati mwangu.”+ “Upunguliyi pa mwana mumsewu,+Kweniso pa magulu nga anyamata wo awungana pamoza. Wosi azamukoleka, munthulumi ndi muwolu waki,Anthulumi akukota ndi akukota ukongwa.*+ 12  Nyumba zawu zazamuperekeka kwa ŵanthu anyaki,Limoza ndi minda yawu kweniso awolu ŵawu.+ Pakuti ndazamutambasuwa janja langu kuti ndilimbani ndi ŵanthu akuja mucharu cho.” Yehova ndiyu wakamba. 13  “Pakuti kwambiya mumana ukongwa mpaka mura ukongwa, weyosi wasaniya phindu lachinyengu;+Kwambiya mchimi mpaka wasembi, weyosi wachita chinyengu.+ 14  Ŵanthu ŵangu akupwetekeka,* atiŵachizga patalipatali, ndipu atiŵakambiya kuti,‘Kwe chimangu! Kwe chimangu!’ Penipo kulivi chimangu.+ 15  Kumbi achita soni chifukwa cha vinthu vakuseruska vo achita? Achita soni cha chinanga nkhamanavi! Yiwu aziŵa cha mo angachitiya soni!+ Mwaviyo, azamukuwa pakati pa ŵanthu wo awa. Pa nyengu yo ndazakuŵalangiya azamuguŵa,” Yehova ndiyu wakamba. 16  Yehova wakamba kuti: “Mani pamphatukanu ndipu wonani. Fumbani va nthowa zakali,Fumbani ko kwe nthowa yamampha, yendani mwenimo,+Ndipu pumuwani.” Kweni yiwu akamba kuti: “Tiyendengemu cha.”+ 17  “Ndinguŵika alonda+ wo angukamba kuti,‘Vwisiyani kuliya kwa mbata!’”+ Kweni yiwu angukamba kuti: “Tivwisiyengi cha.”+ 18  “Mwaviyo, vwisiyani yimwi mitundu ya ŵanthu! Ndipu ziŵani, yimwi mwaŵanthu,*Vo vazakuŵachitikiya. 19  Vwisiya, yiwi charu chapasi! Ndiwisengi soka pa ŵanthu yaŵa+Nge vipasu va maŵanaŵanu ngawu,Pakuti anguvwisiya cha mazu nganguNdipu angukana dangu langu.”* 20  “Ndilivi navu ntchitu kuti mutindipingiya libani kutuliya ku ShebaKweniso mujuŵa wakunowa kutuliya kucharu chakutali. Sembi zinu zakupiriza zamphumphu zakuzomerezeka cha,Ndipu sembi zinu zitindikondwesa cha.”+ 21  Mwaviyo Yehova wakamba kuti: “Awonani! Ndiŵikiyengi ŵanthu yaŵa vakuguŵiska,Ndipu yiwu azamuguŵamu,Ada limoza ndi ŵana ŵawu,Munthu yo aja nayu pafupi kweniso mubwezi waki,Ndipu wosi azamumala.”+ 22  Yehova wakamba kuti: “Awonani! Mtundu wa ŵanthu utuliya kucharu cha kunkhondi,*Ndipu mtundu ukulu wa ŵanthu wazamuyuskika kutuliya kuvigaŵa vakutali ukongwa va charu chapasi.+ 23  Yiwu azamuko uta ndi mkondu, Mbankhaza ndipu azamuŵavi lisungu. Mazu ngawu ngazamuwuluma nge nyanja,Ndipu akwera pamahachi.+ Yiwu andanda kuti achiti nawi nkhondu nge mo munthu wankhondu wachitiya, yiwi mwana munthukazi wa ku Ziyoni.” 24  Tavwa nkhani yeniyi. Manja ngidu ngamala nthazi;+Suzgu yatiwiya,Tituvwa urwirwi nge wa munthukazi yo wabala.+ 25  Mungatuliyanga kubwalu kwa tawuni cha,Ndipu mungayendanga mumsewu cha,Pakuti murwani we ndi lipanga;Mantha nge peposi. 26  Yiwi mwana munthukazi wa ŵanthu ŵangu,Vwala chigudulu+ ndipu kunkhuluka muvyotu. Liya nge kuti uliriya mwana waku yumoza pe, liya ukongwa,+Pakuti wakubwanganduwa wazengi paku isi mwamabuchibuchi.+ 27  “Ndakuŵika* kuti uje wakuyesa visulu pakati pa ŵanthu ŵangu,Yo wafufuza umamphaumampha;Utenere kuziŵa ndi kusanda nthowa zawu. 28  Wosi mbanthu akumira mtima ukongwa,+Atenda uku ndi uku kuti akambengi vinthu viheni vakukwaskana ndi anyawu.+ Yiwu ŵe nge mkuŵa kweniso chisulu;Wosi mbakunangika. 29  Mathumba ngakuvukutiya ngakwinyiliya. Pamotu wawu patuwa mthovu. Munthu walimbikiya kuyengetuwa kweni palivi cho watopu,+Ndipu ŵanthu aheni atuzgikapu cha.+ 30  Ŵanthu azakuŵadana kuti siliva yo amukana,Pakuti Yehova waŵakana.”+

Mazu Ngam'mphata

Anyaki akamba kuti, “kumpotu.”
Mazu ngaki chayingu, “Makutu ngawu ngambula kudumulika.”
Mazu ngaki chayingu, “a mazuŵa nganandi.”
Pamwenga kuti, “akufyoka viwanga.”
Mazu ngaki chayingu, “yimwi mpingu.”
Pamwenga kuti, “angukana ulongozgi wangu.”
Anyaki akamba kuti, “kumpotu.”
Kung’anamuwa Yeremiya.