Yeremiya 50:1-46

  • Uchimi wakukwaskana Babiloni (1-46)

    • Thaŵani pakati paku Babiloni (8)

    • Ayisirayeli azamuwere kwawu (17-19)

    • Maji nga ku Babiloni ngazamukamuka (38)

    • Mu Babiloni mwazamujanga ŵanthu cha (39, 40)

50  Yehova wangukamba vakukwaskana ndi Babiloni,+ charu cha Akadiya, kuporote mwa mchimi Yeremiya kuti:   “Pharazgani ndi kumemeza pakati pa mitundu ya ŵanthu. Soskani chiziŵisu* ndipu pharazgani. Mungabisanga kanthu kekosi cha! Kambani kuti, ‘Babiloni wathereskeka.+ Belo walengeseka.+ Merodaki wachita mantha. Vikozgu vaki valengeseka. Angoza ŵaki akuseruska* achita mantha.’   Pakuti mtundu waza kutuliya kunkhondi* kuti uzichiti nayu nkhondu.+ Usambusa charu chaki kuja chinthu chakuchitiska mantha;Mucharu cho muja munthu weyosi cha. Vinyama ndipuso ŵanthu athaŵa;Aluta kutali.”  Yehova wakamba kuti: “Mu mazuŵa ngo ndipuso pa nyengu yo, ŵanthu a ku Isirayeli kweniso ŵanthu a ku Yuda azamukuza pamoza.+ Yiwu azamuliyanga achiyenda,+ ndipu wosi pamoza azamupenja Yehova Chiuta wawu.+  Yiwu azamufumba nthowa ya ku Ziyoni, visku vawu vichilereska kweniko,+ ndipu azamukamba kuti, ‘Zani, tiyeni tijibatiki kwaku Yehova mu phanganu lamuyaya lo lazamuluwika cha.’+  Ŵanthu ŵangu asambuka mskambu wa mbereri zakusoŵa.+ Aliska ŵawu aŵalandizga.+ Aŵalongozge mumapiri, ayingayinga mumapiri ndipuso mumitunthu. Yiwu aluwa malu ngawu ngakupumuliyapu.  Wosi wo aŵasaniyanga aŵamezanga+ ndipu arwani ŵawu akambanga kuti, ‘Tilivi mulandu chifukwa chakuti yiwu angubudiya Yehova, angubudiya malu ngakujamu ngaurunji kweniso chilindizga cha apapi ŵawu akali, Yehova.’”   “Thaŵani pakati paku Babiloni,Tuwanimu mucharu cha Akadiya,+Ndipu muje nge nyama zo zilongozga mskambu.   Pakuti ndidana gulu la mitundu yanthazi kutuliya kucharu cha kunkhondi,*Kuti yiyukiyi Babiloni.+ Mitundu yo yazamukuza kwaku iyu ndipu yazamundanda kuti yichiti nayu nkhondu;Iyu wazamukoleka kutuliya penipo. Mauta ngawu nge nge mauta nga chinkharaNgo ngabaya ŵana;+Yiwu awe ŵaka cha. 10  Kadiya wazamuphangika vinthu.+ Ŵanthu wosi wo azakumuphanga vinthu azamukhorwa,”+ Yehova ndiyu wakamba. 11  “Pakuti yiwi wakondwanga,+ wazayangaPa nyengu yo walondanga vinthu va chihara changu.+ Pakuti wapalasuwanga mu uteka nge ng’ombi yinthukazi yambula kubalapu.Ndipu waliyanga nge mahachi nganthulumi. 12  Anyoku alengeseka.+ Munthukazi yo wakukubala waguŵiskika. Awona! Iyu ndi mtundu umana ukongwa pa mitundu ya ŵanthu,Iyu ntchipululu chambula maji kweniso chipalamba.+ 13  Chifukwa cha ukali waku Yehova, mwaku iyu mwazamuja so ŵanthu cha;+Iyu wazamunangikiya limu.+ Weyosi yo wazamujumpha pafupi ndi Babiloni wazakumulereseska mwamanthaNdipu wazamukumba khwelu chifukwa cha milili yaki yosi.+ 14  Zani ndipu ndandani muvigaŵa vosi kuti muchiti nkhondu ndi Babiloni,Yimwi mosi mukunga* uta. Muhomeni, mungasiyangaku muvu wewosi cha,+Pakuti iyu wabudiya Yehova.+ 15  Mudaniriziyeni chiwawa cha nkhondu muvigaŵa vosi. Iyu wathera yija.* Vipilala vaki vawa, mipanda yaki yawisikiya pasi,+Pakuti Yehova wamuweze.+ Muweziyeni nduzga. Muchitiyeni nge mo iyu wakuchitiya.+ 16  Bayani wakumija mbewu mu BabiloniNdipuso munthu yo wako chisenga mu nyengu yakuvuna.+ Chifukwa cha lipanga lankhaza, weyosi wazamuwere ku ŵanthu ŵaki,Weyosi wazamuthaŵiya kucharu chaki.+ 17  “Ŵanthu a ku Isirayeli ndi mbereri zakumbininika.+ Nkharamu zaŵambininiska.+ Pakwamba, fumu ya ku Asiriya yinguŵameza;+ pavuli paki, Fumu Nebukadinezara* ya ku Babiloni yingukukuta viwanga vawu.+ 18  Mwaviyo, Yehova wa mizinda, Chiuta waku Isirayeli wakamba kuti: ‘Ndimalanengi ndi fumu ya ku Babiloni kweniso charu chaki, nge mo ndinguchitiya ndi fumu ya ku Asiriya.+ 19  Isirayeli ndazakumuweze kumalu ngaki ngakuryiyaku,+ ndipu wazamukurya uteka pa Karimeli kweniso pa Bashani.+ Iyu wazamuguta pamapiri nga ku Efurayemu+ ndipuso nga ku Giliyadi.’”+ 20  “Mu mazuŵa ngo kweniso pa nyengu yo,” Yehova ndiyu wakamba,“Mulandu waku Isirayeli wazamufufuzika,Kweni wazamusanirika cha,Ndipu maubudi ngaku Yuda ngazamusanirika cha,Pakuti ndazamugowoke ŵanthu wo ndaŵaleka amoyu.”+ 21  “Kwera ndi kuchichita nkhondu ndi charu cha Meratayimu kweniso ŵanthu wo aja ku Pekodi.+ Ukaŵabayi ndi kuŵanangiya limu,” Yehova ndiyu wakamba. “Chita vosi vo ndakulamula. 22  Mucharu cho muvwika chiwawa cha nkhondu,Mwe soka likulu. 23  Nyundu yakusuliya yo yiphwanya mitundu ya ŵanthu pacharu chosi chapasi yafyoleka ndipuso yaphwanyika!+ Babiloni wasambuka chinthu chakuchitiska mantha pakati pa mitundu ya ŵanthu!+ 24  Yiwi Babiloni, ndakuthyiya chiŵana, ndipu wakoleka,Ndipu unguziŵa cha. Ungusanirika ndi kukoleka,+Pakuti ungususka Yehova. 25  Yehova wajula nkhokwi yaki,Ndipu watuzga vidya va ukali waki.+ Pakuti Yehova wa mizinda, Ambuya Fumu Yikulu, we ndi ntchitu yakuti wachitiMucharu cha Akadiya. 26  Zani kutuliya kumalu ngakutali kuti mumuyukiyi.+ Julani nkhokwi zaki.+ Muwunjikeni nge ndundu za tirigu. Munangiyeni limu.+ Waŵevi munthu wakujaku. 27  Bayani matholi* ngaki ngosi;+Sikiyani nangu kumalu ngakubayiyaku nyama. Soka kwaku yingu, pakuti zuŵa lawu laza,Nyengu yawu ya chilangu yaza! 28  Kuvwika chiwawa cha ŵanthu wo athaŵa,Ŵanthu wo athaŵa mucharu cha Babiloni,Kuti azipharazgi mu Ziyoni kuti Yehova Chiuta widu waweze nduzga,Waweze nduzga chifukwa cha nyumba yaki yakusopiyamu.+ 29  Danani akuponya mauta kuti ayukiyi Babiloni,Danani wosi wo akunga* mauta.+ Jinthani mahema mwakumuzunguliya; ndipu mungazomerezanga cha kuti munthu weyosi wathaŵi. Muweziyeni mwakukoliyana ndi ntchitu yaki.+ Muchitiyeni nge mo iyu wakuchitiya.+ Pakuti wachita vinthu mwakujikuzga ndipu wayukiya Yehova,Wayukiya Mtuŵa waku Isirayeli.+ 30  Mwaviyo, anyamata ŵaki azamukuwa mumabalaza ngaki,+Ndipu asilikali ŵaki wosi azamumala* mu zuŵa lo,” Yehova ndiyu wakamba. 31  “Awona! Ndikuyukiyengi,+ yiwi munthu wamtafu,”+ Yehova wa mizinda, Ambuya Fumu Yikulu ndiyu wakamba,“Pakuti zuŵa laku lizengi, nyengu yo ndazakukumba mulandu. 32  Yiwi munthu wamtafu, wazamuguŵa ndi kuwa,Palivi yo wazakukuyuska.+ Ndazamubuska matawuni ngaku ndi motu,Ndipu motu wo, wazamuwotcha chechosi cho che pafupi ndi yiwi.” 33  Yehova wa mizinda wakamba kuti: “Ŵanthu a ku Isirayeli kweniso a ku Yuda akandirizgika,Ndipu ŵanthu wosi wo akuŵako ukapolu atiŵaleka cha.+ Yiwu akana kuŵaleka kuti alutengi.+ 34  Kweni Wakuwombo wawu ngwanthazi.+ Zina laki ndi Yehova wa mizinda.+ Iyu wazakuŵamiya pa mulandu wawu,+Kuti charu chawu chipumuwi+Kweniso kuti watimbanyizgi ŵanthu a ku Babiloni.”+ 35  “Lipanga lazamunanga Akadiya,” Yehova ndiyu wakamba,“Lazamunanga ŵanthu a ku Babiloni, alongozgi ŵaki akuzirwa kweniso ŵanthu ŵaki azeru.+ 36  Lipanga lazamunanga ŵanthu wo akamba vinthu vambula fundu,* ndipu azamuchita vinthu mwambula zeru. Lipanga lazamunanga asilikali ŵaki, ndipu azamuchita mantha.+ 37  Lipanga lazamunanga mahachi ngawu kweniso magaleta ngawu,Ndipuso lazamunanga ŵanthu akupambanapambana wo ŵe pakati paki,Ndipu azamuja nge anthukazi.+ Lipanga lazamunanga chuma chaki ndipu azamuphangika chuma cho.+ 38  Maji ngaki ngazamunangika ndi kukamuka.+ Pakuti mucharu cho mwe vikozgu vakujoba,+Ndipu chifukwa cha viwona vawu vakuchitiska mantha, achita vinthu nge ŵanthu akufuntha. 39  Mwaviyo, vinyama vamuchipalamba vazamujaliya limoza ndi vinyama vakubangula,Ndipu mwaku iyu mwazamuja nthiŵatiŵa.+ Mu Babiloni mwazamuja so ŵanthu cha,Ndipu ngazamuja so malu ngakujamu ŵanthu cha mu migonezi yosi.”+ 40  “Nge mo Chiuta wangubwanganduliya Sodomu ndi Gomora+ kweniso matawuni ngawu ngapafupi,”+ Yehova ndiyu wakamba, “palivi munthu yo wazamuja mwenimo, ndipuso palivi munthu yo wazamujalikiskika mwenimo.+ 41  Awonani! Mtundu wa ŵanthu utuza kutuliya kunkhondi;*Mtundu wanthazi kweniso mafumu ngaunkhankhu+ ngazamuyuskikaKutuliya kuvigaŵa vakutali ukongwa va charu chapasi.+ 42  Yiwu aponya uta ndipuso mkondu.+ Mbankhaza kweniso alivi lisungu.+ Chiwawa chawu che nge nyanja yo yiwuluma,+Asani akwera pamahachi ngawu. Nge munthu yumoza, andanda pamzeri kuti achiti nawi nkhondu, yiwi mwana munthukazi wa ku Babiloni.+ 43  Fumu ya ku Babiloni yavwa uthenga wakukwaskana ndi yiwu,+Ndipu manja ngaki ngamala nthazi.+ Iyu watuvwa urwirwi,Watuvwa urwirwi nge wa munthukazi yo wabala. 44  “Awonani! Munthu munyaki wazamukuza nge nkharamu kutuliya muvivwati vakukho vamumphepeti mwa msinji wa Yorodani, kuti wayukiyi malu ngakuliskaku viŵetu ngakuvikilirika, kweni mu kanyengu kamanavi, ndazamuchitiska kuti yiwu* athaŵi mucharu chawu. Ndipu ndazamuŵika wakusankhika kuti walamuliyengi charu cho.+ Pakuti ndiyani yo wayanana ndi ini ndipuso ndiyani yo wangasuskana nani? Ndi mliska nuyu yo wangalimbana nani?+ 45  Mwaviyo, yimwi mwaŵanthu vwani vo Yehova waŵanaŵana kuchitiya Babiloni+ ndipuso vo waŵanaŵana kuchitiya charu cha Akadiya. Kwambula kutondeka, ŵana a mbereri azamuguguzikiya kutali. Iyu wazamusambusa malu ngawu ngakujamu kuja mahami chifukwa chaku yiwu.+ 46  Charu chazamusukunyika chifukwa cha chiwawa cho chazamuvwika asani Babiloni wazikoleka,Ndipu kuliya kwazamuvwika pakati pa mitundu ya ŵanthu.”+

Mazu Ngam'mphata

Pamwenga kuti, “polu lachiziŵisu.”
Mazu yanga ngakutuliya ku mazu nga Chiheberi ngo ngayanana ndi mazu ngakuti “mavi nga viŵetu” ndipu ngagwiriskikiya ntchitu pakuyuyuwa chinthu.
Anyaki akamba kuti, “kumpotu.”
Anyaki akamba kuti, “kumpotu.”
Mazu ngaki chayingu, “mukanda.”
Mazu ngaki chayingu, “Iyu wapereka janja laki.”
Zina ili lilembeka so kuti, “Nebukadirezara.”
Matholi mbana a ng’ombi.
Mazu ngaki chayingu, “akanda.”
Mazu ngaki chayingu, “azamuchetamisika.”
Pamwenga kuti, “lazamunanga achimi aboza.”
Anyaki akamba kuti, “kumpotu.”
Viwoneka kuti wo akambika yapa mbanthu a ku Babiloni.